Crita guyon

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Carita guyon kuwen sastra tulis jinis carita cindek ning wewengkon Cerbon lan Dermayu sing isié guyon atawa morégan. Sastra kiyen ditulis nganggo basa Cerbon-Dermayu atawa basa Jawa Cerbonan lan Dermayon.

Sajarah[besut | besut sumber]

Jenis sastra kiyen wis kawentar kira-kira awit taun 1980-an, ditandani karo munculé program Koran Masuk Désa (KMD). Ning wewengkon Cerbon-Dermayu, Pikiran Rakyat (Bandung) nerbitaken ariwarta mirunggan arané Pikiran Rakyat Edisi Cirebon saban dina Rebo lan Sebtu. Kang nanggung jawab rubrik budaya ning ariwarta mau, Nurdin M. Noer, ngemanjingaken rubrik carita guyon kang disesirahi Jogrégan. Kang nulis ning rubrik kuwen arané Mama Ilik, kang sebeneré aliyas sing Akim Garis, wartawan ariwarta kuwen. Sepisan uga, rubrik kuwen ditulis karo Mama Gedhé (aliyas sing Nurdin M. Noer). Rubrik Jogrégan tetep ana sanajan ariwarta iku ngganti aran dadi Mitra Dialog (1996) lan ngganti aran maning dadi Kabar Cirebon (awit 2008).[1]

Nalika ariwarta Pikiran Rakyat ngemot suplemén édisi Cerbon-Dermayu awit taun 2011, tulisan kaya Jogrègan uga tetep olih pérangan. Aran rubriké ning ariwarta kuwen Senggak Guyon karo kang nulis genténan Mama Ilik (Akim Garis) lan Mama Gedhé (Nurdin M. Noer).[1]

Rubrik anékdot basa enggon-enggonan kuwen uga ngémbét ning Dermayu. Pemréntah Kabupatén Dermayu nerbitaken kalawarta Mulih Harja (awit 2004) karo rubrik kang serupa dimunculaken. Arané Guyon Dermayon. Kang nulis ana loro gentén-genténan, Mamaé Galih (Supali Kasim) lan Kang Guna (Sapta Guna). Sepisan, tulisan para maca uga dimot.[1]

Kalawarta wulanan basa Sunda, Manglé, ning taun 2011 ilok uga ngebuka sisipan kanggo sastra Cerbon-Dermayu. Geguritan, carita cindek, lan éséi nganggo basa Cerbon-Dermayu dimot ning kaca sisipan kuwen. Sanajan mengkonon, sisipan kuwen mung muncul ping papat baé.[1]

Ning kekembangan selanjuté, kang nulis ning rubrik Jogrègan ning ariwarta Kabar Cirebon nambah Mang Oji (aliyas sing Roji Hidayat) lan Laré Plédang (aliyas sing Taufik Hidayat).[1]

Rubrik Jogrégan ning ariwarta Kabar Cirebon dikukuhi karo Larè Plèdang nalika Mama Ilik ngalih ning ariwarta Fajar Cirebon ning taun 2013. Ning ariwarta Fajar Cirebon kuwen, rubrik anékdot anyar kang disesirahi Apa Jaré dibuka ning Mama Ilik.[1]

Tegesé tembung-tembung[besut | besut sumber]

Cara Jawa Cerbonan Cara Indonésia
kuwein itu
morégan candaan
kiyen ini
ariwarta koran
mirunggan mirunggan
ngemanjingaken memasukkan
disesirahi diberi judhul
mama bapak
sing dari
ngémbét berimbas
kalawarta majalah
ilok pernah
mengkonon begitu
dikukuhi dipertahankan

Cathetan sikil[besut | besut sumber]

  1. a b c d e f Nugroho 2015, kk. 199-201.

Rujukan[besut | besut sumber]

  • Nugroho, Agung, ed. (2015). Sastra Lokal dan Warna Lokal Cerbon-Dermayu. Bandung: Dinas Pariwisata dan Kebudayaan Provinsi Jawa Barat. ISBN 978-602-7873-07-0.