Commodore 64

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Commodore 64
Hardware
TypeKomputer omah
Release dateAgutus 1982[1][2]
Introductory priceUS$595 ($1.481,25 ing taun 2016)
DiscontinuedApril 1994; 25 taun kapungkur (1994-04)
Units sold12,5[3] – 17[4] yuta
Operating systemCommodore KERNAL/
Commodore BASIC 2.0
GEOS (optionally)
CPUMOS Technology 6510/8500
@ 1.023 MHz (NTSC version)
@ 0.985 MHz (PAL version)
Memory64 kB RAM + 20 kB ROM
GraphicsVIC-II (320 × 200, 16 warna, sprite, raster interrupt)
SoundSID 6581 (osc, wave, filter, ADSR, ring)
ConnectivityCIA 6526 joystick, Power, ROM cartridge, RF, A/V, CBM-488 floppy-printer, digital tape, GPIO/RS-232
PredecessorCommodore VIC-20
Commodore MAX Machine
SuccessorCommodore 128
Commodore 16

Commodore 64 iku jeneng sawijining komputer omah 8-bit sing tau diprodhuksi ing dasawarsa 1980-an lan 1990-an awal. Jeneng komputer iki uga kerep dicekak minangka C64, C-64, CBM 64 utawa VIC-64 ing Swédia. Komputer iki dilansir ing sasi Januari 1982 déning Commodore International lan nganti saiki kacathet minangka modèl komputer sing paling akèh payu. Prakiran kapayoné antara 10 nganti 17 yuta unit. Produksi volume diwiwiti ing awaling taun 1982, kanthi ngrilis komputer ing pasar nalika sasi Agustus mawa rega AS$ 595 (kurang luwih AS$ 1.481,25 ing taun 2016). Komputer iki didisiki déning Commodore VIC-20 lan Commodore PET, sarta jenengé dijupuk saka kapasitas mémoriné sing gedhéné 64 kilobyte (65.536 byte) RAM. C64 ndarbèni spésifikasi swara lan gambar sing unggul yèn dipadhakaké karo komputer awal liyané kaya ta Apple II lan Atari 800, déné sprites sing manékawarna lan prosèsor swara sing luwih mutakir.

C64 ndominasi pasaran ngisor komputer ing saakèhé dasawarsa 1980-an. Kanggo sawatara wektu sing suwé (1983-1986), C64 nduwé pérangan 30% nganti 40% saka pasaran komputer Amérikah Sarékat lan satauné punjul rong yuta unit komputer payu didol. Dadi olèhé payu luwih akèh tinimbang komputer IBM PC kompatibel, Apple lan 8-bit Atari.

Salah sijiné alesan Commodore 64 bisa suksès iku amarga komputer iki uga didol ing toko-toko biyasa lan ora namung ing toko-toko èlèktronika utawa toko mligi komputer waé. Komputer iki kerep dipadhaké karo mobil Ford Model T sing nepungaké tèknologi anyar marang gegriya kelas manengah déné produksi massa sing kréatif lan regané ora larang.[5]

Réferènsi[besut | besut sumber]

  1. World of Commodore Brochure (1983)
  2. July 1982 Commodore brochure
  3. "How many Commodore 64 computers were sold?". Dijupuk February 1, 2011. 
  4. Reimer, Jeremy. "Personal Computer Market Share: 1975–2004". Dijupuk July 17, 2009. 
  5. Kahney, Leander (September 9, 2003). "Grandiose Price for a Modest PC". CondéNet, Inc. Dijupuk September 13, 2008. 

Pranala njaba[besut | besut sumber]