Cinderella

Saka Wikipédia, bauwarna bébas basa Jawa
Cinderella gawéyané Walt Disney Production

Cinderella, ya iku dongeng tradisional sing ana ing nagara akèh lan kanthi versi sing beda - beda. Versi paling wiwitan ya iku saka Cina ing taun 860. Dhéwéké kacathet ing The Miscellaneous Record of Yu Yang déning Tuan Ch'ing-Shih,salah sawijiné buku sing wis ana wiwit Dinasti Tang. Versi sing paling misuwur ya iku ditulis déning panyerat Perancis Charles Perrault ing taun 1697 adhedhasar carita rakyat ditulis déning Giambattista Basile minangka La Gatta Cennerentola ing taun 1634, ananging film animasi saka Walt Disney Production wis dadi standar versi kontemporer.

Versi sing paling misuwur nyeritakaké ana wong wadon sing sak omah karo mbok kuwalon lan 2 sedulur wadon kuwaloné sing padha jahat kabèh. Ing jaman biyèn ana wong wadon sing ayu lan apik atiné, jenengé Cinderlla. Sakwisé bapaké mati, dhéwéké sak omah karo mbok kuwalon lan sedulur kuwaloné. Saben dinané Cinderella disiksa, dikongkon umbah - umbah, asah - asah, gawéyanomah kudu dilakoni kabèh. Ing sawijining dina, ana pangeran sing nganakaké pesta dansa ing istana, nanging Cinderella dipenging mèlu. Nanging, ibu peri teka lan nulung dhéwéké. Cinderella disulap dadi ayu lan nganggo klambi apik, sepatu kaca, lan duwé tumpakan kréta waluh. Ing istana, Cinderella dansa karo pangeran. Cinderella dadi lali, yen kudu bali sakdurungé jam 12 bengi, amarga ilmu sihir ibu peri bakal ilang nalika luwih jam 12. Amarga wis jam 12, Cinderella mlayu ninggalaké pangèran. Ora sengaja, salah siji sepatuné kèri ing istana. Pangèran njupuk sepatu mau, lan ngumumké, sapa sing isa nganggo sepatu iku bakal dipèk bojo. Nanging tetep ora ana sing nyukup karo sepatu mau kejaba Cinderella. Cinderella melu nyoba, lan tenan sepatunè cukup. Pangéran mboyong Cinderella menyang istana. Pungkasan Cinderella urip seneng selawasé.[1]

Cathetan Sikil[besut | besut sumber]

  1. ^ (id)[1](dipunundhuh tanggal 2 November 2012)
Sumber artikel punika saking kaca situs web: "https://jv.wikipedia.org/w/index.php?title=Cinderella&oldid=988330"