Catur Kawicaksanaan

Catur Praja Wisakcana inggih punika sekawan sipat ingkang wicaksana, ingkang patrapipun dipuntindakaken lan dipungadhahi déning para pangarsa. Sipat-sipat kasebat inggih punika: sama inggih punika sipat ingkang tansah waspada lan siyap kanggé ngadhepi sadaya kémawon ancaman mengsah ingkang dhateng saking lebet lan jawi, ingkang mbebayani kawibawanipun pangarsa ingkang sah.

Béda inggih punika sipat adil ingkang tanpa upami babagan prakawis ingkang gegayutanipun kaliyan hukum utawi peraturan kanggé bawahan utawi rakyat, Supados kacipta katentreman lan katertiban wonten ing masarakat.

Dana inggih punika sipat ingkang ngutamaaken sandang, papan, pangan lan pendidikan kanggé nunjang kasejahteraan lan kamakmuran rakyat sarta maringi pahargyan kanggé warga ingkang gadhah prestasi.

Danda inggih punika sipat manawi maringi ukuman punika langkung adil kanggé sadaya kemawon tiyang ingkang gadhah kalepatan utawa nglanggar ukuman jumbuh kaliyan kalepatan ingkang dipuntindhakake.