Capeng
Capeng ya iku gerak tari kanthi nglurusaké lengen kiwa ing ngarep dada, ugel-ugel tangan ditekuk, lan tlapak tangan madhep njaba. Lengen tengen ditekuk lan diobahké saka ugel-ugel menyang pundhak banjur lengen tangan kenen dilurusaké, lan tlapak tangan madhep njaba awak. Gerakan iki uga dibalèni ing awak sisih liya. Gerak capeng dilakokaké kanggo nuduhaké yèn wis siap ngadhepi perang lan bisa dilakokaké uga kanthi gagah lan alus.[1]
Rujukan[besut | besut sumber]
- ↑ Papenhuyzen. Brakel, Clara (1991). Seni Tari Jawa Tradisi Surakarta dan Peristilahannya. Jakarta: ILDEP-RVL.