Bornholmer Straße (filem)

Bornholmer Straße (pocapané [sytra:se]) iku sawijining filem drama komedi Jerman kang disutradarani Christian Schwochow lan dibabar taun 2014. Filem iki nuduhaké jam-jam pungkasan sadurungé Témbok Berlin dibukak ing tanggal 9 Novèmber 1989 ing Kori Pawatesan Bornholmer Strasse ing Jerman Wétan déné paréntahé Harald Schäfer. Carita filem iki dhedhasar prastawa kang kadadéan beneran wengi iku, nalika manten Komandan Harald Jäger mènèhi paréntah mbukak kori pawatesan.

Stasiun télévisi Jerman ARD nayangaké filem iki kanggo kapisan ing tanggal 5 November 2014, sawatara dina sadurungé ambal warsa kaping 25 Témbok Berlin dibukak. Ora nganti sawelas sasi sawisé, tanggal 3 Oktober 2015 filem iki ditayangaké manèh kanggo ngrayakaké ambal warsa kaping 25 Dina Kamanunggalané Manèh Jerman.

Sinopsis

Nalika wengi tanggal 9 Novèmber 1989, para prajurit kang njaga pawatesan sangisoring komando lètnan kolonèl Harald Schäfer padha siyap-siyap kanggo dines wengi kaya lumrahé. Punjering wengi iki sawijining asu mbedhal kang lumayu saka wétan menyang kulon lan bali manèh.

Nalika mangan wengi bebarengan ing kantin, para panjaga pawatesan iki weruh konferènsi pèrs langsung juruwicara Jerman Wétan Günter Schabowski ing télévisi Jerman Wétan.

Günter Schabowski ngandaraké manawa wiwit saiki warga nagara Jerman Wétan bisa lunga menyang nagara ngamanca tanpa rélatif njlimet. Kandané aturan anyar iki langsung berlaku. Schäfer nuli nilpun atasané ing Stasi, kang ngandaraké manawa kawajiban visa isih ana, sanadyan mangkono dhèwèké takon apa wis ana wong ing ngarepé pawatesan.

Ing jam-jam sawisé dadi sangsaya akèh warga Jerman Wétan kang padha klumpuk ing ngarepé palang kori pawatesan lan nuntut supaya koriné dibukak.

Harald Schäfer banjur rembugan karo para kolégané. Nanging kancané nyambut gawé ora ana kang bisa awèh solusi. Atasané kang ditilpuni bola-bali ya ora gelem mangsuli.

Banjur nalika tilpun manèh karo atasané, atasané tilpun karo Jéndral. Nalika iku wong-wongé padha rembugan apa Harald bisa mudheng karo situasi iki. Banjur Harald ndokok tilpuné ing jabané cendhéla. Dadi para atasané bisa krungu olèhé wong bengok-bengok.

Tilpuné banjur ditutup. Sawisé iku Harald ditilpun manawa wong-wong kang paling seru olèhé protès olèh metu nanging paspor kudu distèmpel lan digawé ora berlaku manèh. Nanging aja nganti kang distèmpel ngerti. Nuli sawatara wong olèh lunga menyang Berlin Kulon.

Nanging situasiné dadi saya nggegirisi nalika wong-wong liyané ya padha mèlu kepéngin lunga lan sawatara warga Berlin Wétan kepéngin bali saka Berlin Kulon. Banjur ana akèh kancané kang ngedumi bedhil otomatis AK 47 lan ana kancané kang ngancem wong nganggo pistul. Pungkasané Harald mbukak kori lan ngidinaké kabèh wong lunga menyang Berlin Kulon. Kancané nuli kandha manawa nagara Jerman Wétan wis mèh bakal sirna. Banjur wong kang nduwé asu teka lan njupuk asuné.

Ésuké nalika Harald mulih, dhèwèké carita karo bojoné yèn awaké kang mbukak pawatesan. Bojoné nuli kandha supaya dhèwèké aja nglucu bab prakara iki.

Para paraga

• Charly Hübner minangka Lètnan Kolonèl Harald Schäfer
• Milan Peschel: Oberleutnant und Parteisekretär Ulrich Rotermund
• Ulrich Matthes: Oberst Hartmut Kummer
• Rainer Bock: Major Peter Arndt
• Max Hopp: Hauptmann Burkhard Schönhammer
• Frederick Lau: Feldwebel Jens Rambold
•  Ludwig Trepte: Oberfeldwebel Axel Hoffmann
•  Robert Gallinowski: Zollrat Michael Krüger
•  Jasna Fritzi Bauer: Melitta
•  Ursula Werner: Monika
•  Katharina Lorenz: Ines
•  Thorsten Merten: Manfred
•  Margit Bendokat: Ilona Krüger
•  Hermann Beyer: Oberleutnant Heinz Wachholz
•  Peter Schneider: Jürgen Wiese
•  Jörg Simmat: Wolfgang Offenbach
•  Hilmar Eichhorn: Generalmajor Werner Geiger
•  Peer-Uwe Teska: Hauptmann Wilfried Ernst
•  Martin Reik: Oberleutnant Achim Zartmann
•  Nick Monu: Armando Machen
•  Timo Jacobs: Uwe
•  Luise Weiß minangka kenya Berlin Kulon
•  Jan Hasenfuß: Zöllner
•  Andrea Alic
•  Gerhard Haase-Hindenberg: ARD-Reporter
•  Karina Plachetka: Frau Schäfer

Latar wuri

Filem télévisi ARD iki kang ditayangaké nalika ambal warsa kaping 25 sirnané Témbok Berlin nglukisaké prastawa kang kadadéan kanthi persis banget ing kori pawatesan Bornholmer Straße. Paraga "Lètkol Harald Schäfer" iku dhedhasar Harald Jäger. Sing dadi dhasar skénario ya iku buku dokumèntasi Der Mann, der die Mauer öffnete. Warum Oberstleutnant Harald Jäger den Befehl verweigerte und damit Weltgeschichte schrieb ("Wong Lanang kang mbukak Témbok Berlin. Genéya Lètnan Kolonèl Harald Jäger nglawan paréntah lan nulis babading jagad"), kang endi pangriptané Gerhard Haase-Hindenberg uga nduwé paraga cilik minangka réporter tv Jerman Kulon. Sawijining tim kodhak Spiegel TV milem wong-wong kang péngin lunga ngulon ing jam-jam sadurungé pawatesan dibukak ing kori Bornholmer Straße saka perspèktif Berlin Wétan. Mula kadadéan ing kéné dokumèntasiné pepak banget.

Ing kori pawatesan Bornholmer Straße/Kreteg Bösebrücke iku kang dhisik dhéwé dibukak, banjur sawisé lagi kori pawatesan liyané ing Berlin.

Panarimaning filem

Filem iki déning para kritikus ditampa apik, contoné uga ing koran Frankfurter Allgemeinen Zeitung. Ing Spiegel Online Christian Buß nulis manawa: "Si sutradara. Christian Schwochow karo filem tragikomedi 'Bornholmer Straße' nggawé filem tv kang sisan lembut lan riskan dhéwé ing 25 taun pungkasan". Lan produsèn Nico Hofmann ngandaraké ing Nachhinein, manawa karyané iki nalika diputer ing Filmfest München dikeploki karo ngadeg. Nuli koran die Rheinische Post ngelem Charly Hübner kang bisa mainaké paragané Lètkol Harald Schäfer mawa

Dagegen lobte die Rheinische Post zwar Charly Hübner, der seiner Hauptfigur „Oberstleutnant Harald Schäfer so viel Tiefgang (gebe), wie es das Drehbuch erlaubt“, und auch die „stärksten Momente“ des Films, wenn er die emotionale „Darstellung der DDR-Bürger, die sich nicht mehr wegschicken lassen“ in den Fokus rücke.

Banjur kang astamiwa iku Ulrich Matthes "kang bisa maragaké sang Kolonèl ing Markas Agung SED nalika dhèwèké mèh dadi édan kanthi sampurna."

Nanging koran iki mligi uga kritik manawa:

"Ora cetha genéya Schwochow mutusaké nggambaraké lan nyritakaké wengi kang dramatis ing pawatesan iki minangka Tragikomedi. Sajatiné luwoh becik manawa dhèwèké panggah olèhé nggambaraké minangka sawijining carita kadurjanan. Dhèwèké ora bisa utawa emoh marem karo gagrag klasik standar historis. Dadi ing filemé para prajurit Jerman Wétan iki medhun drajadé déné digambaraké minangka kaum amatiran kang bodho lan kakèhan ngomong tuwin ora mbebayani babar belas. Situasi mbebayani kang kala kuwi bener-bener èksis manawa bedhil-bedhil otomatis bakal diarahaké marang para warga digawé dadi parodi.

Olèhé aksi para panjaga pawatesan kang ora nduwé daya lan butuh pitulung iki disengkuyung musik konyol marahi rasa anèh marang para pamirsa."

-Rena Lehmann

Cacahing pamirsa

Film Bornholmer Straße kapisan ditayangaké ing Jerman tanggal 5 Novèmber 2014, ditonton déning 6,99 yuta pamirsa lan olèh pangsa pasar 21,5 % kanggo Das Erste.

Pamulèn

• 2014: Bambi ing Kategori Prèstasi TV taunan

Gubahan ing sandiwara

Adhedhasar skénario Heide und Rainer Schwochow saha pamileman taun 2014 déning Christian Schwochow kang suksès iki, Jörg Steinberg nggawé adhaptasi sandiwara kang digelar kanggo kapisan ing tanggal 13 Novèmber 2015 ing Neue Theater Halle ing Halle (Saale).