Balangan gantal
Balangan gantal (ꦧꦭꦁꦔꦤ꧀ꦒꦤ꧀ꦠꦭ꧀) minangka salah satunggaling lampah upacara panggih. Gantal inggih menika sedhah ingkang kalinting katangsulan bolah putih, dene gantal menika wonten werni kalih ingkang dipuncepeng temanten putri kawastanan godhong kasih, dene ingkang dipuncepeng temanten kakung kawastanan godhong tutur. Maknanipun godhong kasih menika supados temanten gadhah raos tresna asih dhateng kakung, dene godhong tutur ing pangajab murih temanten kakung sageda dados guru lakinging temanten putri tansah paring pitutur sarta wewarah dhumateng garwa. Wondene, gantal menika beda lumah kurepipun nanging menawi gineget tunggal raosipun. Ngewrat makna bilih manungsa ingkang dados titahing Gusti menika menawi sampun kapanggihaken dados jodhonipun sageda manunggal ing cipta, rasa, miwah karsanipun.
KAWAOSA