Bal basket

Saka Wikipédia Jawa, bauwarna mardika basa Jawa

Bal Basket ya iku ulah raga nganggo bal kang kelompokan 2 tim kang anggotane 5 wong saben saktim kang lomba akèh-akehan poin mawa nglebokaké bal ing kranjang mungsuhe. Bal basket pancen trep ditonton lan racaké dimainake ing panggonan kang katutup lan ora prelu lapangan gedhé. Liyane iku, bal basket gampang disinaoni amarga wujud bale gedhé, saéngga ora ngangeli juru main rikala mendatake utawa mbalangake bal mau.

Bal basket iku salah sijining ulah raga kang disenengi déning masarakat Amérika Sarékat lan masarakat ing nagara liyané, ya iku ing Amérika Selatan, Éropa Selatan, Litowen lan uga ing Indonesia dhéwé.

Sajarah[besut | besut sumber]

Bal basket dianggep ulah raga kang unik amarga ora sengaja kagawe déning salah sawijining guru ulah raga. Tahun 1891, Dr. James Naismith, guru ulah raga saka Kanadha kang ngjar ing salah sawijining perguruan tinggi kanggo para siswa profésional ing YMCA (kumpulan nom-noman Kristen) ing Springfield, Massachusetts, kudu nggawe dolanan ing panggonan katutup kanggo ngisi wektu siswane ing mangsa preinan ing New England. Kepikiran saka dolanane rikala isih cilik ing Ontario, Naismith nggawe dolanan kang saiki misuwur diarani bal basket ing 15 Desembe 1891.

Miturut carita, sawisé nulak pamikiran amarga dianggep katosen lan ora trep yèn dimaenake ing panggonan katutup, dhèwèké banjur nulis aturan-aturan dhasar, lan masang kerang ing témbok ruang gelanggang ulah raga, lan njaluk para siswa kanggo miwiti mainake bal basket manèh.

Lomba resmi bal basket kang piranan, dianakake tanggal 20 Januari 1892 ing panggonan keja Dr. James Naismith. Basket iku paraban kang dibacutake salah sawijining siswane. Ulah raga iki rikat misuwur ing Amérika Sarékat. Lomba-lomba uga akèh dianake ing saben kutha-kutha ing praja Amérika Sarékat. Pisanane, saben tim cacahé 9 wong lan durung ana dribble, saéngga bal mung bisa pindhah amarga diuncalake saka juru main marang juru main liyané. Sajarah anané praturan dolanan bal basket diwiwiti saka 13 praturan kang ditulis dhéwé déning Naismith.

Cathetan suku[besut | besut sumber]