Asal-usul Panggung, Kutha Surakarta

Asal-usul Panggung, Kutha Surakarta yaiku sejarah dumadine jeneng Panggung. Panggung sawijining jeneng prapatan dalan lan kampung kang manggon ana ing kutha Surakarta. ^[1]Jaman semana, prapatan dalan panggung isih sepi lan durung akeh wewangunan kaya saiki. Prapatan panggung jaman semana kanggo panggonan mandheg para bangsawan kang lagi mburu sato kewan. Tlatah Mojosongo kang manggon ana ing lore, jaman semana awujud alas kang rembuyung wit-witane lan akeh saweneh kewan sing bisa diburu.^[2]

Prapatan iki minangka papan kang panggonane luwih dhuwur tinimbang papan kiwa tengene. Pawongan kang ngadeg ing papan iki kaya-kaya dheweke ngadeg sandhuwure panggung, merga kahanan sakiwa tengen katon gamblang. Mula papan mau kajenengake Panggung.

Rujukan

↑ ""Konferensi" Ribuan Burung Liar di Perempatan Panggung Solo". soloraya.solopos.com. Diarsip saka sing asli ing 2019-05-07. Dibukak ing 2019-05-09.
↑ Cerita di balik nama kampung & Tempat, Asale (2016). Asale (Cerita di balik nama kampung & Tempat). Solo. ISBN 978-602-73593-3-8.

[1] ""Konferensi" Ribuan Burung Liar di Perempatan Panggung Solo". soloraya.solopos.com. Diarsip saka sing asli ing 2019-05-07. Dibukak ing 2019-05-09.

[2] Cerita di balik nama kampung & Tempat, Asale (2016). Asale (Cerita di balik nama kampung & Tempat). Solo. ISBN 978-602-73593-3-8.

[1]

[2]