Asal-usul Pabelan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Asal-usul Pabelan yaiku sejarah dumadine kalurahan Pabelan. Kalurahan Pabelan manggon ana ing Kecamatan Kartasura, Kabupaten Sukoharjo, Provensi Jawa Tengah.[1] Jeneng Pabelan ora bisa uwal saka Putra Tumenggung Mayang kang asesirah Raden Pabelan nalika jaman keraton Pajang, ing abad XV.

Nalika kuwi, Raden Pabelan gandrung marang Putri Sekar Kedaton utawa Ratu Hemas, kang ora liya putri saka Sultan Hadiwijaya, penguasa kraton Pajang. Sawijining dina, Raden Pabelan kanthi ndelik-ndelik nekat mlebu ing kraton Pajang kanggo nemoni Putri Sekar, nanging konangan karo prajurit kono.

Banjur Raden Pabelan nyoba mlayu ngalor metu saka kraton nanging awakke wis kena pusaka lan ndadekake getih padha metu. Tekan sawijining panggonan, Raden Pabelan  wis ora kuwat banjur mati ing papan mau. Kanthi mangkono panggonan diarani kalurahan Pabelan tekan seprene.[2]

Rujukan[besut | besut sumber]

  1. "Kelurahan/Desa Pabelan, Kartasura Kab. Sukoharjo – Lokasi, Alamat, Peta (Denah)" (ing basa Inggris). Dijupuk 2019-05-25. 
  2. (Cerita di balik nama kampung & Tempat), Asale (2016). Asale (Cerita di balik nama kampung & Tempat). Solo: PT. Aksara Solopos. kk. Kaca 33. ISBN 978-602-73593-3-8. Priksa gandra |isbn= (pitulung).