Asal-usul Gemblegan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Asal-usul Gemblegan yaiku sejarah dumadine kampung Gemblegan. Kampung Gemblegan manggon ana ing kutha Surakarta perangan kidul.[1] Jeneng Gemblegan dumadi saka jeneng Bandar judi capjiki, Gajah Gemblegan, kang urip nalika jaman Paku Buwana IV(1768-1820M).

Mbok menawa gajah Gemblegan milih papan kidul kutha amarga nalika semana papan mau isih sepi lan ora narik kawigaten pamarintah. Sansaya suwe, para warga kang manggon ana ing sanjabane kampung padha pindah lan melu nyoba kaberuntungan judi capjiki mau. Iki kang ndadekake kiwa tengen omahe Gajah Gemblegan dadi rame banget. Banjur para warga nyebut papan kuwi mau kanthi jeneng kampung Gemblegan, saka jeneng bandar judi capjiki, Gajah Gemblegan.[2]

Rujukan[besut | besut sumber]

  1. Solo, Pasar Tradisional (2019-05-21). "Pasar Harjodaksino". 
  2. Solopos, Tim (2016). Asale (Cerita di balik nama kampung & Tempat). Solo: PT. Aksara Solopos. ISBN 978-602-73593-3-8. Priksa gandra |isbn= (pitulung).