Aprilidianus

Meriam Situmorang (29) lan Aprilidianus (27) minangka salah satunggaling peserta saking enem peserta Nusantara Sèhat (NS) ing Manggarai Wètan, NTT ingkang gadhah program ngabdi marang masyarakat terpencil lan terisolasi ing NTT . Kagiatan ingkang dipunlampahi déninig para paserta inggih menika ngabdi wonten ing Puskesmas Wukir Kecamatan Elar Kidul, Manggarai Wètan saking sasi Agustus taun 2017 dumugi Agustus taun 2019.

Kahananipun Puskesmas Wukir

Puskesmas ing Manggarai Wètan wonten kalih welas, nanging wolu ing antaranipun puskesmas menika mboten kagunggan dhokter, salah satunggalè ingkang kalebet puskesmas kang mboten kagunggan dhokter yaiku Puskesmas Wukir menika.namung wonten setunggal Pegawé Negeri Sipil (PNS), ingkang dados perawat lan njabat dados kepala puskesmas, sarta piyambakipun inggih menika warga asli Wukir. Para peserta Nusantara Sèhat (NS) mapan wonten ing salah satunggaling dalem dinas, kang wonten ing sakiwoning puskesmas. Kahananipun dalem dinas menika namung wonten setunggal gensét rusak, mboten wonten listrik, mboten wonten jaringan tipi lan jaringan telephon. Sajatosipun ing mrika wonten mobil lan motor kagungganipun puskesmas nanging sampun rusak. Meriam Situmorang wanita saking Batak menika ngandharaken menawi, Wukir wonten ing Kabupaten Manggarai Wètan, nanging mboten wonten akses saking Borong nuju Puskesmas Wukir.

Tumpakan/Kendharaan Padinan

Tumpakan kang bisa dipunginaaken menawi badhé tumuju ing Puskesmas Wukir menika namung dump truck ingkang sampun dipunowahi supados saged ngangkut wong lan barang. Tiyang ing Désa Wukir menika nyebat kendharaan nika wau “taksi”. Wonten kalih taksi ingkang ngliwati mergi Wukir-Bajawa lan kalih sasanèsipun ngliwati mergi Ruteng-Wukir. Menawi kita nginaaken taksi menika, kita kedah mbayar Rp 40.000 saben sauwong kanggé rute Wukir-Bajawa, kamangka kanggé rute Wukir-Ruteng kita kedah mbayar Rp 85.000 saben sauwong. Tiyang ingkang numpak taksi menika dipuwatesi langkung kathah namung 45 tiyang kemawon. Namung taksi menika ingkang dados alat kanggé transportasi padinan wonten ing daèrah menika, dados masyarakat anggènipun lelungan kedah sabar lan lega nengga léwatipun taksi menika.

Kahanan Kasehatan

Menawi wonten pasièn sakit ingkang sampun awrad dipunobati, para relawan menika nyéwa taksi menyang Bajawa. Naming namung bisa dipunlakoaken menawi sopir taksi menika mangkal wonten ing mergi lan purun ngeteraken pasièn. Menawi mboten, warga menika langkung milih ngobati kanggé cara-cara tradisional utawi malah ngobati sakarepipun. Stok obat-obatan ing Puskesmas Wukir menika namung sekedhik, kala-kala babar blas mboten wonten jenis obat tartamtu. Obat-obat menika kiriman saking Ruteng utawa Bajawa saben wulanipun. Ananging menawi hawanipun mboten saé pangiriamipun obat mboten lancar.  Menika dados masalah ingkang asring dipuntepangi para rélawan ingkang ngabdi wonten ing Puskesmas Wukir ngantos samenika.

Pagesangan Padinanipun Masyarakat Wukir

Warga Wukir kathah ingkang milih dipunrujuk wonten ing Bajawa amarga jarakipun langkung cedhak lan gampang dipunliwati. Adohipun Elar-Bawaja menika 4 jam, saking Elar-Borong 15 jam utawi Elar-Ruteng 12 jam perjalanan.  Merginipun èlèk sanget, kedah nglewati kali, wewatuan, lan kala-kala bisa kena longsor. Kamangka kanthi cara ingkang susah lan radi butuh upaya ingkang langkung kathah masyarakat mboten kabotan tetep dipunlampahi kanthi ikhlas supados saged angsal pangobatan ingkang saé. Nanging, ing RSUD Bajawa masyarakat Wukir namung dipunlayani nanggé Kartu Indonesia Séhat (BPJS) ingkang umum utawi nganggé biayanipun piyambak. 

Kanggé kabutuhanig padinan masyarakat Elar milih blanja, nyekolahaken anak, lan priksa ing Bajawa. Nanging derèng wonten kerja sama antawisipun Pamaréntah Kabupaten Ngada lan Pamerintah Kabupatèn Manggarai Wétan babagan kaséhatan kanggé warga ing pawatesan daérah. Babagan kerjasama menika radi awrad, amargi saking taun 2005 Pamerentah Kabupatèn Ngada lan Pamaréntah Kabupatèn Manggarai Wétan  rebutan pawatesan daérah.

Kahanan Ekonomi

Rega bahan pokok padinan wonten ing Wukir menika larang sanget. Reganipun beras langkung murah inggih menika Rp 15.000 - Rp 24.000 saben sakilo. Gula ing Wukir dipunregani Rp 20.000 saben sakilonipun, lan minyak goreng Rp 20.000 saben saliter. Sabun kangge siram dipunregani Rp 8.000 saben sakothak. Nanging stok bahwan-bahan menika kala-kala mboten wonten (kosong) ing kios pedagang Wukir.

”Kita genten-genti saben setunggal wulan menyang Bajawa. Biasanipun kalih tiyang ingkang budhal, kangge blanja butuh padinanipun supaya saged  dipunginaaken setunggal wulan suwénipun. Sekawan kanca sasanèsipun titip arta kangge blanja butuh ingkang sami. Wulan sabanjuripun, kalih tiyang malih budhal kanggé blanja.” Kandhanipun Meri.

April uga muwuhi, menawi budhal menyang Bajawa raosipun sami kaliyan medal saking kurungan. Dumugi dhateng  Bajawa raosing manah punika lega lan kaya-kaya nemu kasunyataning urip ing doya “nyata”. Dhèwèké bisa dhahar bakso, mi goreng, soto, sekul goreng, lan sasanèsipun ingkang dadaos reremenipun ingkang mboten saged dipuntemuaken wonten ing daérah Wukir.