Antropologi sastra

Antropologi Sastra dumunung saka rong tembung ya iku antropologi lan sastra. Cekak cukupé, antropologi tegesé ngèlmu bab menusa lan sastra iku piranti kanggo mulang. Tegesing iku durung nuduhaké teges kang sebeneré. Antropologi sastra iku salah siji cabang ngèlmu antropologi budaya kang duwé gegayutan karo masalah-masalah antropologi ing karya sastra kang diteliti. Hakikat sastra ing antropologi iku minangka kasil saka aktivitas budaya, kayadéné naskah (artèfak), interaksi sosial (socifact/pasrawungan) lan kontémplasi dhiri (mentifact). Yén dikaitké pangembang ngèlmu, antropologi sastra iku jinis sastra sing dikasilaké déning para etnografer nalika nggambaraké masarakat tertamtu nanging akèh aji-aji èstétis. Ana uga istilah sastra antropologi ya iku unsur-unsur sastra ing kajian antropologi.

Ing Indonésia, antropologi sastra durung ngembang banget, nanging ngèlmu iku prelu dikembangké amarga dhasar tetimbangan, 1) sastra iku jelas ana kaitané karo menusa, 2) ana kaitan kang kuat antara sastra lan kabudayan ing lumrahé, 3) akèh isu-isu jaman mbiyén kang dadi isu baku ing karya sastra, 4) timbulé minat marang sastra lésan, kalebu tandha-tandha-tandha-tandha kang duwé gegayutan karo tradisi lésan lan prelu data penyokong kang ana ing dhisiplin antropologi.