Anggur (ombèn-ombèn)

Saka Wikipédia Jawa, bauwarna bébas abasa Jawa
(Dilih saka Anggur (minuman))
Segelas anggur merah

Anggur (utawa populer disebut ing basa Inggris: wine) iku ombènan ngandhut alkohol kang digawé saka sari anggur jinis Vitis vinifera kang biasané mung tuwuh ing area 30 hingga 50 derajat lintang lor lan kidul. Ombèn-ombèn ngandhut alkohol kang digawé saka sari buah liya kang kadar alkoholé antara 8% nganti 15% biasané diarani anggur woh-wohan (fruit wine).

Anggur digawé liwat prosès fermentasi gula kang ana ing jero woh anggur. Ana sawetara jinis ombènan ya iku, Red Wine, White Wine, Rose Wine, Sparkling Wine, Sweet Wine, lan Fortified Wine:

  • Red Wine iku angur kang digawé saka woh anggur abang (red grapes). Sawetara jinis anggur abang kang misuwur ing kalangan peminum wine ing Indonesia ya iku merlot, cabernet sauvignon, syrah/shiraz, lan pinot noir.
  • White Wine ya iku anggur kang digawé saka woh anggur putih (white grape). Sawetara jinis anggur mau kang misuwur ya iku chardonnay, sauvignon blanc, semillon, riesling, dan chenin blanc.
  • Rose Wine ya iku anggur kang wernané jambon kang digawé saka woh anggur abang nanging kanthi proses ekstraksi warna kang luwih cepet dibandingké karo proses ekstraksi Red Wine. Ing laladan Champagne, tembung Rose Wine ngrujuk marang campuran antara White Wine lan Red Wine.
  • Sparkling Wine ya iku anggur kang ngandhut akèh gelembung karbon dioksida. Sparkling Wine kang paling misuwur ya iku Champagne saka Prancis. Mung Sparkling Wine kang digawé saka anggur kang asalé saka désa Champagne ing kana kang olèh diwènèhi label Champagne.
  • Sweet Wine ya iku anggur kang isih akèh ngandhut gula sisa kasil fermentasi (residual sugar) saéngga rasané dadi legi.
  • Fortified Wine ya iku anggur kang ngandhut alkohol luwih dhuwur, watara 15% nganti 20.5%). Kadar alkohol kang dhuwur iki amarga anané tambahan spirit ing prosès panggaéné.


Pranala jaba[besut | besut sumber]