Alessandro Volta

Saka Wikipédia, bauwarna bébas basa Jawa
Alessandro Volta

Alessandro Volta ya iku ahli fisika kang misuwur ing Italia.[1] Dheweke lair tanggal 18 Februari 1745 ing Como, Lombardio, Italia.[1] Dheweke duwéni dulur cacah sanga kang sekabehane mlebu biara, kejaba Volta.[1] Nalika isih cilik, Volta dianggep minangka anak kang bodho lan duwéni kekurangan.[1] Dheweke bisa ngomong nalika umur patang taun.[1] Ora ana kang nyangka yen Volta duwéni kaluwihan nalika nganjik dhewasa.[1] Volta malah duwéni kekerepan yen dheweke bakal dadi ahli fisika nalika umure 14 taun. Amarga mempenge anggone sianu, pungkasane Volta kasil dadi salah sawijining Iluwan kang disegani déning akeh wong.[1] Ing taun 1786, Luigini Galvani, kancane Volta lan sawijining ahli fisika, nindakake eksperimen marang sikil kodhok kang ditali nganggo tali tembaga.[1] Nalika sikile kodhog nyenggol wesi, sacara otomatis sikile mau obah.[1] Anane kedadeyan mau, mula Galvani duwéni panyaruwe manawa daging kodhok ngandhut listrik.[1] Kesimpulan mau ora langgsung ditampa déning Volta.[2] Dheweke banjur ngupaya kanggo mbuktekake kebenaran mau.[2] Asile, nalika taun 1794 utawa wolung taun sawise kedadeyan mau, Volta entuk kesimpulan saka percobaane.[2] Volta kandha yen anane listrik mau dudu saka daging kodhok nanging saka tembaga mau.[2] Anane kedadeyan iki, nyebabake anane padon antarane wong kang ngnut Volta karo wong kang padha nganut Galvani nganti enem taun suwene.[2] Banjur ing taun 1800, Volta kasil anggone nemokake batre.[2] Penemuan iki banjur bisa ngalahake teorine Galvani lan bisa bubarake padone mau. Alessandro Volta tinggal dunya nalika umure 82 taun tanggal 5 Maret 1827 ing Como.[2]

Cathetan suku[besut | besut sumber]

  1. ^ a b c d e f g h i j (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 23]
  2. ^ a b c d e f g (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 24]
Sumber artikel punika saking kaca situs web: "https://jv.wikipedia.org/w/index.php?title=Alessandro_Volta&oldid=1013396"