Akhil Gupta

Saka Wikipédia Jawa, bauwarna mardika basa Jawa

Akhil Gupta ya iku ahli antropologi saka Bilaspur, Madhya Pradesh, Indhi, kalairan ing tanggal 21 Maret 1959[1][2]. Pandhidhikané pawiyatan luhur naté ana ing Western Michigan University (BS) ing taun 1977. Sabanjuré ing Massachusetts Institute of Technology (SM) ing taun 1979 lan ing Stanford University (Ph.D.) ing taun 1988[3]. Panlitian lapangané ana ing Uttar Pradesh bagéyan kulon, Indhi ing taun 1984 lan 1991[1]. Uga ing Goa, Indhi ing taun 1995. Karya-karya akademis kang sinerat déning Akhil ya iku antarané Anthropological Locations: Boundaries and Grounds of a Field Science, sinerat bareng karo James (ing taun 1997) lan Postcolonial Developments: Agriculture in the Making of Modern India (ing taun 1998). Awalé Akhil iki didhidhik minangka teknik mekanik[1]. Nanging sabanjuré dhèwèké iki karenan karo bab antropologi. Malah Akhil iki kawentar amarga pisumbangané ing bab antropologi mligi ing bab pulitik èkonomi, transnasional kapitalisme, lan korupsi[3].

Rujukan[besut | besut sumber]

  1. a b c Amit, Vered (2004). Biographical dictionary of social and cultural anthropology. London: Routledge. kc. 304. ISBN 020364459X. OCLC 436848672.
  2. "Akhil Gupta". www.international.ucla.edu. Dibukak ing 2018-01-15.
  3. a b "UCLA Anthropology". www.anthro.ucla.edu. Dibukak ing 2018-01-15.