Deleng sumberé Afrodhit

'''Afrodhit''' ({{lang-el|Ἀφροδίτη}}) ya iku dèwi katresnan, kacantikan, lan sèksualitas ana ing [[mitologi Yunani]].<ref name="internet2">[http://www.pantheon.org/articles/a/aphrodite.html Pantheon.org]</ref><ref name="internet1">[http://www.pantheon.org/articles/a/aphrodite.html "Aphrodite"]</ref> Ana rong vèrsi lègendha kang béda ngenani kalairané Afrodhit.<ref name="internet2"/><ref name="internet1"/> Vèrsi pisanan nyebutaké yèn Afrodhit iku putri saka [[Zeus]] lan [[Dione]], nanging lègendha iki kurang populèr.<ref name="eros"/> Vèrsi kaping loro ya iku dhedhasar marang ''[[Theogonia]]'' karya [[Hesiodos]], kang nyebutaké yèn Afrodhit dilairaké saka [[penis|piranti kelamin]] [[Uranus (mitologi)|Uranus]] kang ditugel déning [[Titan (mitologi)|Titan]] [[Kronos]] lan diuncalaké menyang [[sagara]].<ref name="internet1"/> Piranti kelamin iku banjur katutu déning buih sagara lan saka buih-buih iku mau banjur Afrodhit lair.<ref name="internet1"/> Amarga ayuné, para déwa kewedèn yèn Afrodhit bakal njalari papecahan ana ing antarané para [[déwa]], mula saka iku [[Zeus]] banjur ngramaké Afrodhit karo [[Hefaistos]].<ref name="internet1"/> Nanging Afrodhit duwé katresnan kang akèh saka kalangan déwa, kaya [[Ares]], utawané saka kalangan [[manungsa]], kaya [[Ankhises]].<ref name="internet1"/>

Afrodhit ya iku tokoh wigati ana ing lègendha [[Eros lan Psikhe]], lan uga dadi ibu angkat lan uga dadi pacangan saka [[Adonis]].<ref name="internet1"/> Akèh manungsa lan déwa minor kang karan-sebut dadi anak saka Afrodhit.<ref name="internet1"/> Salah siji putra saka Afrodhit kang misuwur ya iku [[Eros]] ([[Cupid]]), [[déwa asmara]].<ref name="internet2"/><ref name="internet1"/><ref name="eros"/>

Afrodhit uga ditepungi dadi '''Kithireia''' (''Wanita saka [[Kythira]]'') lan '''Kipris''' (''Wanita saka [[Siprus]]'') amarga kaloro panggonan mau dianggep dadi panggonan kalairané Afrodhit.

Ana ing [[mitologi Romawi]], dhèwèke ditepungi dadi [[Venus (mitologi)|Venus]].<ref name="internet2"/> Wong [[Yunani]] uga ngidhèntikaké dèwi [[Mesir kuna]], [[Hathor]], karo Afrodhit.<ref name="buku">Reginald Eldred Witt, ''Isis in the ancient world'' (Johns Hopkins University Press)1997:125. ISBN 0-8018-5642-6</ref>

Afrodhit duwé jeneng liyané kaya [[Akidalia]], [[Kythereia]] lan [[Kerigo]], kang digunakaké ana ing sawijining laladan ing [[Yunani]].<ref name="buku"/>

Tuwuhan [[myrtle]], [[columbidae|manuk dara]], manuk [[gréja]], [[jaran]] lan [[banyak]] dikramataké kanggo dhèwèke.<ref name="internet2"/><ref name="internet1"/>

== Cathetan sikil ==
{{reflist}}

== Pranala njaba ==
{{commons|Aphrodite}}
* [http://www.theoi.com/Olympios/Aphrodite.html Afrodhit di Theoi Project]
* [http://www.helium.com/items/1518376-greek-mythology-who-is-aphrodite-the-goddess-of-love-and-beauty Greek Mythology: Who is Aphrodite?] {{Webarchive|url=https://web.archive.org/web/20111109095239/http://www.helium.com/items/1518376-greek-mythology-who-is-aphrodite-the-goddess-of-love-and-beauty |date=2011-11-09 }}
* [http://www.nytimes.com/2008/12/19/arts/design/19wome.html?em The Glory which Was Greece from a Female Perspective]
* [http://afrodite.saffo.googlepages.com/aphrodite-sappho.html Himne Sappho untuk Afrodhit]

{{Déwa Dewi Yunani}}

[[Kategori:Mitologi Yunani]]
[[Kategori:Déwa-dèwi Yunani]]


{{mitologi-yunani-stub}}