1408 (filem)
1408 iku filem psikologi horor Amèrikah taun 2007 kang dhedhasar carita cekaké Stephen King taun 1999 kang nunggal jeneng. Kanthi sutradara Mikael Håfström saka Swèdhen. John Cusack, Samuel L. Jackson, Mary McCormack, Tony Shalhoub, Len Cariou, Isiah Whitlock, Jr., lan Jasmine Jessica Anthony minangka lakoné. 1408 dibabar ing Amèrikah nalika 22 Juni 2007. Masiya, ing website, tanggal 13 Juli karan kanthi tanggal babarané.
Filem iki nyaritakaké Mike Enslin, pangripta kang nyungku bab horor. Kariré Mike dhedhasar pengalaman nglarah omah-omah angker nadyan kajiané kang durung suksès iki asring nguciwani. Sarana péling tanpa jeneng ing kertu pos, Mike ngerti ana Hotel Dolphin ing kutha New York kang kondhang mawa kamar nomer 1408. Dhèweké banjur nginep semalem ing kamar iku saperlu mbuktèkaké carita adikodratiné. Gerald Olin, manager hotelé uwis ngèlikaké ning dhèwèké ndableg. Sasuwéné Mike nginep ing kamar kui, dhèwèké nitya menangi pengalaman adikodrati.
Produksi[besut | besut sumber]
Kala November 2003 lan 2004, Dimension Films éntuk hak saka carita cekak taun 1999, "1408" anggitané Stephen King. Studio ngondhékaké pangripta naskah Matt Greenberg nedyo nganggit caritané kanthi naskah filem.[1] Nalika Oktober 2005, Mikael Håfström didadiaké sutradara lan naskah filemé dianggit ulang déning Scott Alexander lan Larry Karaszewski.[2] Maret 2006, juru main filem, John Cusack didhapuk minangka lakon ing filem iki,[3] lan uga ketambahan Samuel L. Jackson kala April.[4][5] Miturut Cusack, Hotel Roosevelt ing New York dienggo ing sawenèh panjupukan gambaring Hotel Dolphin.[6] Gambar lobi hotel dijupuk ing Reform Club, London, Inggris.[7]
Rujukan[besut | besut sumber]
- ↑ David Rooney (2003-11-05). "Dimension checking into room '1408'". Variety. Dibukak ing 2007-05-06.
- ↑ "Hafstrom to direct '1408'". Variety. 2005-10-25. Dibukak ing 2007-05-06.
- ↑ Ian Mohr (2006-03-08). "Cusack finds a room in King's '1408'". Variety. Dibukak ing 2007-05-07.
- ↑ Michael Fleming (2006-04-03). "'1408' gets another guest". Variety. Dibukak ing 2007-05-06.
- ↑ Ian Mohr (2006-08-13). "'1408' books a new tenant". Variety. Dibukak ing 2007-05-06.
- ↑ "Fandango Summer Movies – Movie Tickets and Theatre Showtimes". Diarsip saka sing asli ing 2007-08-01. Dibukak ing 2016-08-15.
- ↑ "Where was '1408' filmed? – British Film Locations". British Film Locations. Diarsip saka sing asli ing 17 August 2010. Dibukak ing 4 October 2014.