ꦒꦿꦺꦴꦮꦺꦴꦭ꧀
꧋ꦒꦿꦺꦴꦮꦺꦴꦭ꧀ꦆꦁꦒꦶꦃꦥꦸꦤꦶꦏꦣꦼꦣꦲꦫꦤ꧀ꦆꦁꦏꦁꦏ꦳ꦱ꧀ꦱꦏꦶꦁꦠ꧀ꦭꦠꦃꦏꦧꦸꦥꦠꦺꦤ꧀ꦏꦸꦭꦺꦴꦤ꧀ꦥꦿꦒ꧉ꦒꦿꦺꦴꦮꦺꦴꦭ꧀ꦏꦣꦩꦺꦭ꧀ꦱꦏꦶꦁꦠꦺꦭꦏꦱ꧀ꦥ꧉ꦄꦢꦠꦶꦥꦸꦤ꧀ꦒꦿꦺꦴꦮꦺꦴꦭ꧀ꦝꦶꦥꦸꦚ꧀ꦕꦮꦶꦱꦏꦺꦤ꧀ꦏꦤ꧀ꦛꦶꦣꦶꦥꦸꦤꦶꦫꦶꦱ꧀ꦆꦫꦶꦱ꧀ꦏꦣꦺꦴꦱ꧀‘ꦱꦺꦒꦶꦠꦶꦒ’꧉ꦒꦿꦺꦴꦮꦺꦴꦭ꧀ꦒꦣꦃꦫꦱꦆꦁꦏꦁꦏ꦳ꦱ꧀꧈ꦢꦼꦢꦲꦫꦤ꧀ꦆꦁꦏꦁꦣꦶꦥꦸꦤꦿꦺꦩꦺꦤꦶꦣꦺꦤꦶꦁꦱꦶꦩ꧀ꦧꦃꦱꦶꦩ꧀ꦧꦃꦥꦸꦤꦶꦏꦔꦤ꧀ꦝꦸꦠ꧀ꦏꦂꦧꦺꦴꦲꦶꦣꦿꦠ꧀꧈ꦄꦩꦂꦒꦶꦏꦣꦩꦺꦭ꧀ꦱꦏꦶꦁꦠꦺꦭ꧉ꦫꦶꦏꦭꦗꦩꦤ꧀ꦫꦸꦩꦶꦪꦶꦤ꧀ꦒꦿꦺꦴꦮꦺꦴꦭ꧀ꦱꦒꦺꦣ꧀ꦝꦶꦥꦸꦤ꧀ꦝꦲꦂꦏꦁꦒꦺꦔ꧀ꦒꦤ꧀ꦠꦺꦴꦱ꧀ꦝꦲꦫꦤ꧀ꦥꦺꦴꦏꦺꦴꦏ꧀(ꦱꦺꦏꦸꦭ꧀)꧉ ꧋ꦒꦿꦺꦴꦮꦺꦴꦭ꧀ꦒꦣꦃꦫꦎꦱ꧀ꦏ꦳ꦱ꧀ꦏꦼꦚꦶꦭ꧀ꦏꦼꦚꦶꦭ꧀꧈ꦒꦤ꧀ꦝꦤꦶꦥꦸꦤ꧀ꦈꦒꦶꦏ꦳ꦱ꧀꧈ꦮꦂꦤꦶꦤꦶꦥꦸꦤ꧀ꦥꦼꦛꦏ꧀ꦫꦢꦶꦕꦺꦴꦏ꧀ꦭꦠ꧀ꦭꦤ꧀ꦆꦗꦺꦩ꧀ꦄꦩꦂꦒꦶꦏꦺꦔꦶꦁꦮꦂꦤꦶꦫꦺꦴꦤ꧀ꦒꦼꦣꦁꦆꦁꦏꦁꦢꦢꦺꦴꦱ꧀ꦧꦸꦁꦏꦸꦱꦶꦥꦸꦤ꧀꧈ꦒꦿꦺꦴꦮꦺꦴꦭ꧀ꦝꦶꦥꦸꦤꦶꦫꦶꦱ꧀ꦏꦣꦺꦴꦱ꧀ꦝꦺꦤꦺꦔꦶꦫꦶꦱ꧀ꦱꦼꦩꦁꦏ꧉ꦧꦼꦣꦤꦶꦥꦸꦤ꧀ꦱꦼꦩꦁꦏꦮꦸꦗꦸꦣ꧀ꦄꦱꦭꦶꦥꦸꦤ꧀ꦧꦸꦤ꧀ꦝꦺꦂꦏꦣꦺꦴꦱ꧀ꦧꦭ꧀ꦮꦺꦴꦤ꧀ꦝꦺꦤꦺꦒꦿꦺꦴꦮꦺꦴꦭ꧀ꦮꦸꦗꦸꦣ꧀ꦄꦱꦭꦶꦥꦸꦤ꧀ꦧꦺꦤ꧀ꦠꦼꦤ꧀ꦧꦺꦤ꧀ꦠꦼꦤ꧀ꦒꦸꦩꦤ꧀ꦠꦸꦁꦱꦏꦶꦁꦕꦼꦛꦏꦤꦶꦥꦸꦤ꧀ꦱꦻꦴꦥꦩꦶꦤꦶꦥꦸꦤ꧀ꦏꦣꦺꦴꦱ꧀ꦥꦚ꧀ꦕꦶ꧉
ꦥꦶꦫꦤ꧀ꦠꦶꦭꦤ꧀ꦧꦲꦤ꧀ꦏꦁꦒꦺꦣꦩꦺꦭ꧀ꦒꦿꦺꦴꦮꦺꦴꦭ꧀[besut | besut sumber]
꧋ꦒꦿꦺꦴꦮꦺꦴꦭ꧀ꦝꦶꦥꦸꦤ꧀ꦝꦩꦺꦭ꧀ꦔ꧀ꦒꦶꦤꦏꦺꦤ꧀ꦥꦶꦫꦤ꧀ꦠꦶꦥꦶꦫꦤ꧀ꦠꦶꦆꦁꦏꦁꦱꦒꦺꦣ꧀ꦝꦶꦥꦸꦤ꧀ꦱꦺꦧꦠ꧀ꦠꦿꦣꦶꦱꦶꦪꦺꦴꦤꦭ꧀ꦧꦺꦴꦠꦺꦤ꧀ꦩꦺꦴꦣꦺꦂꦤ꧀꧈ꦥꦶꦫꦤ꧀ꦠꦶꦆꦁꦏꦁꦣꦶꦥꦸꦤ꧀ꦒꦶꦤꦏꦏꦺꦤ꧀ꦏꦁꦒꦺꦣꦩꦺꦭ꧀ꦒꦿꦺꦴꦮꦺꦴꦭ꧀ꦆꦁꦒꦶꦃꦥꦸꦤꦶꦏ꧇
- ꦥꦺꦱꦺꦴ꧈
- ꦩꦚ꧀ꦕꦶ꧈
- ꦱꦺꦴꦧ꧀ꦭꦺꦴꦒ꧀
- ꦧꦱ꧀ꦏꦺꦴꦩ꧀
- ꦏꦕꦸ꧉
꧋ꦣꦺꦤꦺꦧꦲꦤ꧀ꦧꦲꦤ꧀ꦆꦁꦏꦁꦣꦶꦥꦸꦤ꧀ꦧꦺꦠꦲꦏꦺꦤ꧀ꦏꦁꦒꦺꦣꦩꦺꦭ꧀ꦒꦿꦺꦴꦮꦺꦴꦭ꧀ꦄꦤ꧀ꦠꦮꦶꦱꦶꦥꦸꦤ꧀꧇
- ꦠꦺꦭꦏꦱ꧀ꦥ꧈
- ꦠꦺꦴꦪ꧉
ꦕꦫꦤꦶꦥꦸꦤ꧀ꦝꦩꦺꦭ꧀ꦒꦿꦺꦴꦮꦺꦴꦭ꧀[besut | besut sumber]
꧋ꦒꦿꦺꦴꦮꦺꦴꦭ꧀ꦝꦶꦥꦸꦤ꧀ꦝꦩꦺꦭ꧀ꦏꦤ꧀ꦛꦶꦥꦿꦱꦗ꧈ꦔ꧀ꦒꦶꦤꦏꦏꦺꦤ꧀ꦧꦲꦤ꧀ꦆꦁꦏꦁꦒꦩ꧀ꦥꦶꦭ꧀ꦄꦁꦒꦺꦤꦶꦥꦸꦤ꧀ꦥꦣꦺꦴꦱ꧀ꦭꦤ꧀ꦥꦶꦫꦤ꧀ꦠꦶꦤꦶꦥꦸꦤ꧀ꦈꦒꦶꦥꦿꦱꦗ꧉ꦕꦫꦤꦶꦥꦸꦤ꧀ꦝꦩꦺꦭ꧀ꦒꦿꦺꦴꦮꦺꦴꦭ꧀ꦈꦒꦶꦧꦺꦴꦠꦺꦤ꧀ꦱꦶꦱꦃ꧈ꦱꦶꦤ꧀ꦠꦺꦤ꧀ꦏꦺꦩꦮꦺꦴꦤ꧀ꦱꦒꦺꦣ꧀꧈ꦱꦭꦩꦶꦤꦶꦥꦸꦤ꧀ꦝꦩꦺꦭ꧀ꦏꦶꦠꦏꦼꦣꦃꦱꦫꦺꦃ꧈ꦄꦩꦂꦒꦶꦥꦿꦺꦴꦱꦺꦱꦶꦥꦸꦤ꧀ꦝꦔꦸꦤꦶꦥꦸꦤ꧀ꦝꦸꦩꦸꦒꦶꦠꦶꦒꦈꦠꦮꦶꦱꦼꦏꦮꦤ꧀ꦝꦶꦤ꧀ꦠꦺꦤ꧀꧈ ꧋ꦮꦺꦴꦤ꧀ꦝꦺꦤꦺꦫꦤ꧀ꦠꦩꦤꦶꦁꦣꦩꦺꦭ꧀ꦒꦿꦺꦴꦮꦺꦴꦭ꧀ꦱꦒꦺꦣ꧀ꦝꦶꦥꦸꦤ꧀ꦥꦶꦂꦱꦤꦶꦮꦺꦴꦤ꧀ꦠꦺꦤ꧀ꦆꦁꦔꦤ꧀ꦝꦥ꧀ꦥꦸꦤꦶꦏ꧇
- ꦠꦺꦭꦏꦱ꧀ꦥꦣꦶꦥꦸꦔꦺꦴꦣꦺꦴꦒ꧀꧈
- ꦩꦤꦮꦶꦱꦩ꧀ꦥꦸꦤ꧀ꦄꦼꦩ꧀ꦥꦸꦏ꧀ꦭꦗꦺꦁꦣꦶꦥꦸꦤꦿꦺꦤ꧀ꦝꦺꦩ꧀ꦣꦔꦸꦤꦶꦥꦸꦤ꧀꧇꧓꧇ꦣꦶꦤ꧀ꦠꦺꦤ꧀꧈
- ꦉꦤ꧀ꦝꦼꦩꦤ꧀ꦠꦺꦭ(ꦣꦶꦥꦸꦤ꧀ꦮꦱ꧀ꦠꦤꦶꦥꦼꦥꦁ)ꦮꦻꦴꦭꦗꦺꦁꦣꦶꦥꦸꦚ꧀ꦗꦺꦧꦺꦴꦂ꧉ꦣꦶꦥꦸꦚ꧀ꦗꦺꦧꦺꦴꦂꦆꦁꦒꦶꦃꦥꦸꦤꦶꦏꦥꦼꦥꦁꦣꦶꦥꦸꦤ꧀ꦒꦤ꧀ꦠꦺꦴꦱ꧀ꦠꦺꦴꦪꦤꦶꦥꦸꦤ꧀ꦱꦸꦥꦣꦺꦴꦱ꧀ꦧꦺꦴꦠꦺꦤ꧀ꦏꦼꦕꦸꦠ꧀꧈
- ꦭꦗꦺꦁꦥꦼꦥꦁꦮꦻꦴꦣꦶꦥꦸꦤ꧀ꦥꦺꦫꦺꦱ꧀ꦔ꧀ꦒꦶꦤꦏꦏꦺꦤ꧀ꦏꦻꦤ꧀꧈ꦩꦺꦫꦺꦱꦶꦥꦸꦤ꧀ꦏꦥꦶꦁꦠꦶꦒ꧉(ꦣꦶꦥꦸꦤ꧀ꦥꦺꦫꦺꦱ꧀ꦣꦶꦥꦸꦤ꧀ꦥꦫꦶꦔꦶꦠꦺꦴꦪ꧈ꦭꦗꦺꦁꦣꦶꦥꦸꦤ꧀ꦥꦺꦫꦺꦱ꧀ꦩꦭꦶꦃ꧈ꦭ꧀ꦱ꧀ꦥ꧀)
- ꦱꦱꦩ꧀ꦥꦸꦤꦶꦥꦸꦤ꧀ꦝꦶꦥꦸꦤ꧀ꦥꦺꦫꦺꦱ꧀ꦭꦗꦺꦁꦣꦶꦥꦸꦚ꧀ꦕꦕꦃ꧈ꦱꦸꦥꦣꦺꦴꦱ꧀ꦊꦩ꧀ꦧꦸꦠ꧀꧈
- ꦥꦼꦥꦁꦆꦁꦏꦁꦱꦩ꧀ꦥꦸꦤ꧀ꦊꦩ꧀ꦧꦸꦠ꧀ꦭꦗꦺꦁꦣꦶꦥꦸꦤ꧀ꦝꦁ꧉
- ꦩꦤꦮꦶꦱꦩ꧀ꦥꦸꦤ꧀ꦩꦠꦺꦁ꧈ꦭꦗꦺꦁꦣꦶꦥꦸꦚ꧀ꦕꦶꦛꦏ꧀꧈ꦕꦶꦛꦏꦤꦶꦥꦸꦤ꧀ꦝꦶꦥꦸꦤ꧀ꦭꦺꦩꦺꦏꦶꦫꦺꦴꦤ꧀ꦒꦺꦣꦁ꧉
- ꦱꦱꦩ꧀ꦥꦸꦤꦶꦥꦸꦤ꧀ꦄꦣꦺꦩ꧀ꦭꦗꦺꦁꦱꦒꦺꦣ꧀ꦝꦶꦥꦸꦤꦿꦗꦁ꧉
ꦮꦂꦤꦶꦤꦶꦁꦎꦭꦲꦤ꧀ꦒꦿꦺꦴꦮꦺꦴꦭ꧀[besut | besut sumber]
꧋ꦒꦿꦺꦴꦮꦺꦴꦭ꧀ꦱꦒꦺꦣ꧀ꦝꦶꦥꦸꦤ꧀ꦝꦲꦂꦭꦁꦱꦸꦁ꧉ꦤꦔꦶꦁꦈꦒꦶꦮꦺꦴꦤ꧀ꦠꦺꦤ꧀ꦆꦁꦏꦁꦔꦺꦴꦭꦃꦒꦿꦺꦴꦮꦺꦴꦭ꧀ꦱꦣꦺꦫꦺꦔꦶꦥꦸꦤ꧀ꦝꦶꦥꦸꦤ꧀ꦝꦲꦂ꧉ꦏꦁꦄꦮꦸꦗꦸꦣ꧀ꦎꦭꦲꦤ꧀ꦒꦿꦺꦴꦮꦺꦴꦭ꧀ꦆꦁꦒꦶꦃꦥꦸꦤꦶꦏ:
- ꦢꦶꦥꦸꦤ꧀ꦏꦿꦮꦸ꧉ꦒꦿꦺꦴꦮꦺꦴꦭ꧀ꦆꦁꦏꦁꦱꦩ꧀ꦥꦸꦤ꧀ꦩꦠꦺꦁ(ꦱꦩ꧀ꦥꦸꦤ꧀ꦝꦶꦥꦸꦤ꧀ꦝꦁ)ꦢꦶꦥꦸꦚ꧀ꦕꦕꦃ꧉ꦭꦗꦺꦁꦣꦶꦥꦸꦚ꧀ꦕꦩ꧀ꦥꦸꦂꦏꦭꦶꦪꦤ꧀ꦥꦫꦸꦠꦤ꧀ꦏꦩ꧀ꦧꦶꦭ꧀ꦭꦤ꧀ꦱꦫꦺꦩ꧀꧈
- ꦣꦶꦥꦸꦔꦺꦴꦫꦺꦁ꧉ꦄꦣꦠꦶꦥꦸꦤꦶꦥꦸꦤ꧀ꦒꦿꦺꦴꦮꦺꦴꦭ꧀ꦄꦮꦺꦠ꧀ꦝꦸꦩꦸꦒꦶꦠꦶꦒꦱꦼꦏꦮꦤ꧀ꦝꦶꦤ꧀ꦠꦺꦤ꧀꧈ꦤꦭꦶꦏꦒꦿꦺꦴꦮꦺꦴꦭ꧀ꦔꦚ꧀ꦕꦶꦏ꧀ꦝꦶꦤ꧀ꦠꦺꦤ꧀ꦏꦥꦶꦁꦠꦶꦒ꧈ꦄꦣꦠꦶꦥꦸꦤ꧀ꦒꦿꦺꦴꦮꦺꦴꦭ꧀ꦝꦶꦥꦸꦔꦺꦴꦫꦺꦁ꧉
꧋ꦏꦗꦮꦶꦥꦸꦤꦶꦏ꧈ꦒꦿꦺꦴꦮꦺꦴꦭ꧀ꦈꦒꦶꦌꦕꦧꦶꦭꦶꦃꦣꦶꦥꦸꦤ꧀ꦝꦲꦂꦏꦭꦶꦪꦤ꧀ꦠꦺꦩ꧀ꦥꦺꦧꦼꦔꦸꦏ꧀ꦧꦺꦱꦺꦔꦺꦏ꧀꧈ꦠꦺꦩ꧀ꦥꦺꦧꦼꦔꦸꦏ꧀ꦧꦺꦱꦺꦔꦺꦏ꧀ꦈꦒꦶꦏꦭꦺꦧꦺꦠ꧀ꦠꦼꦠꦼꦣꦤ꧀ꦆꦁꦏꦁꦧꦺꦴꦠꦺꦤ꧀ꦄꦱꦶꦁꦮꦺꦴꦤ꧀ꦠꦺꦤ꧀ꦆꦁꦏꦸꦭꦺꦴꦤ꧀ꦥꦿꦒ꧉ꦄꦣꦠꦶꦥꦸꦤ꧀ꦥꦫꦥꦚꦣꦺꦒꦿꦺꦴꦮꦺꦴꦭ꧀ꦈꦒꦶꦚꦣꦺꦠꦺꦩ꧀ꦥꦺꦧꦼꦔꦸꦏ꧀ꦧꦺꦱꦺꦔꦺꦏ꧀ꦄꦩꦂꦒꦶꦏꦼꦏꦭꦶꦲꦶꦥꦸꦤ꧀ꦌꦕꦧꦶꦭꦶꦃꦣꦶꦥꦸꦤ꧀ꦝꦲꦂꦱꦼꦱꦫꦺꦔꦤ꧀ꦩꦶꦤꦁꦏꦭꦮꦸꦃ꧉