Énéng-énéng

Saka Wikipédia Jawa, bauwarna mardika basa Jawa

Énéng-énéng ya iku jinis ricikan atawa waditra ning gamelan Jawa[1]. Rupaé kaya bonang nanging ukurané cilik lan nadaé dhuwur nemen. Jaré Palgunadi (2002), waditra iki wis tuwa nemen lan cikal-bakal waditra bonang kang ana ning jaman sekien. Waditra iki ning jaman bengién bisa diwerui sing reliéf candi, prasasti, lan rontal. Ning Musium Sonobudoyo Yogyakarta uga bisa dideleng sisa waditra énéng-énéng iki. Baka dideleng sing pérangan kang ngasilaken swara, waditra iki kegolong ricikan bunderan alit.[2]

Susunan énéng-énéng laras sléndro ana sepuluh nganti patang welas (14) nada kang ditata lan kedudukané sejajar. Baka susunané laras pélog iku ana patang welas (14) nganti wolulas (18) nada kang uga ditata lan kedudukané sejajar. Ricikan iki digawé sing bahan logam lan ditabuh nganggo pencu[2].

Rujukan[besut | besut sumber]

  1. Spiller, Henry (2004). Gamelan: The Tradition Sounds of Indonesia. California: ABC-CLIO Inc. kc. 59–64. ISBN 1-85109-506-3.
  2. a b Palgunadi, Bram (2002). Serat Kandha Karawitan Jawi. Bandung: ITB. kc. 250–252. ISBN 979-9299-71-3.