Wilhelm Conrad Rontgen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wilhelm Conrad Rontgen

Wilhelm Conrad Rontgen yaiku penemu sinar X. [1]Sinar X yaiku sawijining sinar kang bisa nyorot barang kang tutupan, kayata balung kang ana ing jero daging. [1] Dheweke lair ing Lennep, Jerman, tanggal 27 Maret 1845.[1] Wong tuwane yaiku pengusaha sandhangan, lan Rotgen yaiku anak suji-sijine.[1] Dheweke misuwur minangka pecinta alam lan petualang.[1] Dheweke sekolah ana ing Belanda. [1] Iki amarga kawit dheweke umur telung taun, wong tuwane pindah ana ing Apeldoorn, Belanda.[1] Ing kene, dheweke sekolah asrama ing Institut Martinus Herman van Doorn.[1] Dheweke ora duweni prestasi apa-apa saliyane minangka nom-noman petualang.[1] Taun 1862, dheweke mlebu sekolah teknik ing Utrecht, Belanda, nanging dheweke ditokke amarga diarani nggambar karikatur gurune.[1] Kamangka dheweke ora tau nindakake. [1] Telung taun candhake dheweke kasil anggone mlebu Universitas Utrecht lan nyinaoni fisika. [1] Nalika dheweke ngalih ana ing Swis lan mlebu ana ing Jurusan Rekayasa Mekanik Universitas Zurich, dheweke mulai katon bisa ngwasani fisika.[1]

Ing Zurich, Rontgen dibimbing dening dosenen dhewe yaiku Clausius lan nyambut gawe ana ing laboratorium Kundt. [2]Sawise entuk gelar Ph.D ing taun 1869, heweke dadi asisten Kundt.[2] Nalika taun 1874, dheweke lunga ana Prancis lan mulang ana ing Universitas Strasbougr.[1] Setaun candhake dheweke dadi guru besar ing akademi Pertanian Hohenheim ing Wurrtenberg.[2] Taun 1876 dheweke bali ana ing Starsbourg lan ditunjuk minangka guru besar bidang fisika. [2] Telung taun candhake dheweke ditawani dadi Ketua Jurusan Fisika ing Universitas Giessen.[2]

Taun 1895, dheweke nyinaoni fenomena arus listrik lumantar gas kang duweni tegangan cilik. [3]Iki minangka mula bukane dheweke nemokake sinar X. [3] Rontgen tinggal donya nalika tanggal 19 Februari 1923 amarga kanker usus.[3]

Cathetan suku[sunting | sunting sumber]

  1. ^ a b c d e f g h i j k l m n (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 265]
  2. ^ a b c d e (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 270]
  3. ^ a b c (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 270]