Wayang Ménak

Amir Ambyah, sawijining paraga Wayang Ménak

Wayang Ménak iku wayang kang caritané dhedhasar lakon ménak. Wayang ménak lumrahé nganggo wayang golèk (wayang golèk ménak), nanging uga ana kang nganggo wayang kulit. Sapérangan wong uga nyebut kanthi aran wayang tengul.

Wayang iki digawé déning Ki Trunadipura, sawijining dhalang saka Baturetna, Surakarta, ing jaman Mangkunagara VII (1916-1944).

Wayang golèk ménak diwènèhi sandhangan kaya wayang kulit purwa, ya iku kanthi nganggo jamang, kuluk, sumping, lan sapanunggalané. Gandhèng caritané njupuk saka carita ménak kang asliné saka Pèrsi, mula paraga wayangé kaya wong Arab, ya iku nganggo jubah. Awit saka kembangé jaman, wayang ménak uga diparagakaké kaya wayang wong kanthi sebutan Jabur

Uga delengen

• Wayang
• Carita Ménak
• Jabur