Vincent van Gogh
| Vincent van Gogh | |
 Potrèt dhiri (1887) |
|
| Asma lair | Vincent van Gogh |
| Lair | 30 Maret 1853 Zundert, Walanda |
| Séda | 29 Juli 1890 (37 taun) Auvers-sur-Oise, Prancis |
| Warga nagara | Walanda |
| Bidang | Pelukis |
| Aliran | Pasca-Impresionisme |
| Karya misuwur | Pemakan kenthang, Sekar srengéngé, Ndalu kanthi lintang, Potret Dr. Gachet |
Vincent Willem van Gogh (pocapan Walanda: [vɪnˈsɛnt vɑnˈxɔx] ) (30 Maret 1853 – 29 Juli 1890) punika pelukis pasca-impresionis Walanda. Lukisan-lukisan lan gambar-gambaripun kalebet karya seni ingkang paling saé, paling misuwur, lan paling awis ing donya. Van Gogh dipunanggep minangka satunggiling pelukis paling ageng ing sajarah seni Éropah.
Nalika taksih anèm Van Gogh nyambut damel ing satunggiling perusahaan panyadé karya seni, lan sasampunipun sapérangan wekdal nyambut damel dados guru, panjenenganipun makarya minangka misionaris ingkang nyambut damel ing wilayah pertambangan ingkang miskin sanget. Panjenenganipun nembé dados seniman ing taun 1880. Wiwitanipun karya-karyanipun migunaaken werni-werni ingkang surem. Nembé nalika ing paris, panjenenganipun pinanggih kaliyan impresionisme lan neo-impresionisme ingkang werni-werninipun langkung cerah lan gaya lukisanipun dipunkembangaken dados satunggiling gaya ingkang unik lan gampil dipunkenali. Gaya lukisanipun puniki dumugi ing tingkat pangembangan ingkang penuh nalika piyambakipun manggèn ing Arles, Prancis.
Ing mulabukanipun, panjanenganipun tumut marang tipikal pelukis ing zamanipun kanthi gaya impresionisme. Nanging kambotenpuasan marang pangekangan ekspresi seni déning pakem impresionisme ndamel piyambakpipun pindhah ing gaya ekspresionisme.
Vincent Van Gogh dipundiagnosa nandhang panyakit epilepsi inglang cekap parah. Diagnosa puniki dipundamel déning kalih dhokter ingkang bènten ingkang nrawat panjenenganipun. Van Gogh ugi naté ngiris talinganipun piyambak.
Ing pungkasaning gesangipun, panjenenganipun rumaos bilih piyambakipun dados édan lan pungkasanipun nelasaken sisa gesangipun ing Griya Sakit Jiwa Saint Paul-de-Mausole ing Saint-Rémy-de-Provence, Prancis. Ing griya sakit punika panjenenganipun tetep nglukis.
[sunting] Lukisan-lukisan karyanipun Van Gogh
- (1885) Pemakan kenthang
- (1888) Kamar tilem ing Arles
- (1888) Tèras kafé ing wanci ndalu
- (1888) Kebon anggur abrit
- (1888) Kafe ndalu
- (1889) Ndalu kanthi lintang
- (1889) Sekar-sekar Iris †
- (1889) Jambangan kanthi 12 sekar matahari
- (1889) Portrait de l'artiste sans barbe †
- (1890) Potret Dr. Gachet †
- (1890) Ladang gandum kanthi peksi gagak
- (1890) Wanita petani kanthi latar wuri gandum
† Arupi lukisan ingkang nggayuh rékor pangaos panyadéan paling inggil.
[sunting] Pirsanana ugi
[sunting] Pranala njawi
- (en) Van Gogh Museum Amsterdam
- (en) The Complete Works of Vincent van Gogh
- (pl)
Art Gallery - Vincent van Gogh
