Vèteran

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Veteran

Vèteran (saka basa Latin vetus, kang artiné tuwa) yaiku wong kang tau duwé pengalaman ing bidang Militèr utawa panegak hukum.[1] Sacara umum ana telung tingkatan kanggo vèteran, kang paling dhuwur yaiku vèteran perang kamardékaan, banjur vèteran perang kanggo njaga kamardékaan bangsa saka agresi negara liya, lan kang pungkasan yaiku vèteran perang kanggo mbéla kapentingan bangsa-bangsa sekutu, utawa mbéla kapentingan politik negara.[1] Pensiunan tentara kang ora tau perang nglawan musuh saka njaba ora kena diarani vèteran, mung bisa diarani purnawirawan.[1]

Ing Indonésia ana rong kategori kanggo vèteran, yaitu Vèteran Pejuang Kamardékaan kanggo sing mèlu Perang Kamardékaan Indonesia saka taun 1945 nganti taun 1949, lan Vèteran Pambéla Kamardikan kanggo kang mèlu perang nalika jaman Trikora lan Dwikora, uga kang ana ing Timor Timur saka taun 1975 nganti taun 1976.[2] Kejaba kuwi, saiki uga lagi diusulaké prédikat Vèteran kang tentara kang wis tau dikirim ning negara manca kanggo tugas njaga perdamaian ing sangisoré bendéra Perserikatan Bangsa-Bangsa, amarga wis entuk rekomendasi saka WVF.[2] Ing sebagian donya, Vèteran banget nggoné dihormati masyarakat.[2] Ing Amerika Serikat contoné, ana dina khusus kanggo para Vèteran perang, yaiku dina Vèteran.[2]

Cathetan suku[sunting | sunting sumber]

  1. ^ a b c (id)Veteran(30 Agustus 2011)
  2. ^ a b c d (id)Veteran(30 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Vèteran&oldid=831820"