Ulil Abshar Abdalla
Ulil Abshar-Abdalla (lair ing Pati, Jawa Tengah, 11 Januari 1967; umur 46 taun) inggih menika salah satunggalipun tokoh Islam Liberal saking Indonesia.[1] Ulil asalipun saking kulawarga Nahdlatul Ulama.[2] Ramanipun ingkang asma Abdullah Rifa'i saking Pesantren Mansajul Ulum, Pati lan maratuwanipun Mustofa Bisri, kyai saking pesantren Raudlatut Talibin, Rembang.[2][3]
Ulil Abshar Abdalla lulus saking sekolah menengah ing Madrasah Mathali'ul Falah, Kajen, Pati, Jawa Tengah ingkang dipunasuh dening KH. M. Ahmad Sahal Mahfudz (wakil Rois Am PBNU periode 1994‑1999).[1] Nate nyantri ing Pesantren Mansajul 'Ulum, Cebolek, Kajen, Pati, sarta Pondok Pesantren Al-Anwar, Sarang, Rembang. Ulil Abshar Abdalla pikantuk gelar sarjana ing Fakultas Syari'ah LIPIA (Lembaga Ilmu Pengetahuan Islam dan Arab)Jakarta, lan nate sekolah ing Sekolah Tinggi Filsafat Driyarkara, Jakarta.[1] Ulil ugi kalebet lulusan program doktoral ing Universitas Boston, Massachussetts, Amerika Serikat.[1]
Ulil Abshar Abdalla nate dados ketua Lakpesdam (Lembaga Kajian dan Pengembangan Sumber Daya Manusia) Nahdlatul Ulama, Jakarta, ugi dados paneliti ing Institut Studi Arus Informasi (ISAI), Jakarta, sarta dhirektur program Indonesian Conference on Religion and Peace (ICRP).[1] Ulil Abshar Abdalla misuwur amargi aktivitasipun minangka koordinator Jaringan Islam Liberal.[1]
Cathetan Suku [sunting]
- ^ a b c d e f (id)Mengenal Sosok Ulil Abshar-Abdalla dipunundhuh tanggal 8 Juli 2011)
- ^ a b (id)Ulil Abshar-Abdalla dipunundhuh tanggal 8 Juli 2011)
- ^ (id)Surat Ulil Abshar Abdalla dipunundhuh tanggal 8 Juli 2011)
