Tembung artosipun
Tembung artosipun ing ukara iku kanggo ngramakaké tembung artinya utawa artinipun.
Owahan[besut | besut sumber]
Tembung arti iku isih kapetung tembung basa Indonésia, durung lumebu ing basa Jawa. Ing basa Jawa tembung arti bisa diganti nganggo tembung teges, makna, utawa surasa. Tembung teges Ian makna iku kalebu éwoning tembung krama-ngoko, temah ora perlu dikramakaké. Déné, tembung surasa kalebu tembung ngoko, kramané dadi suraos. Teges lan surasa utawa suraos iku tembung Jawa tulèn, déné tembung makna asale saka basa Arab.
Kanthi mangkono, upamané ukara “ayat punika artosipun makaten” bisa diowahi mangkéné:
- Ayat punika tegesipun makaten.
- Ayat punika maknanipun makaten.
- Ayat punika suraosipun makaten.[1]
Uga delengen[besut | besut sumber]
- Tembung jagat raya
- Tembung ninggalaké
- Tembung nindita lan anindita
- Tembung nyaosi lan maringi
- Tembung suwargi lan almarhum
Rujukan[besut | besut sumber]
- ↑ Widati, Sri, dkk (2012). Puspa Rinoncé. Yogyakarta: Kementerian Pendidikan dan Kebudayaan Badan Pengembangan dan Pembinaan Bahasa Balai Bahasa Provinsi Daerah Istimewa Yogyakarta. kc. 2. ISBN 978-979-1854-05-4.