Takeshi Kaneshiro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Takeshi Kaneshiro
Takeshi Kaneshiro2.jpg
Pinyin Jīnchéng Wǔ (Mandarin)
Jyutping Gam1sing4 Mou5 (Kanton)
Leluhur Japanese, Taiwanese
Jeneng liya Aniki
Pakaryan Actor, singer
Genre Mandopop, Cantopop
Taun aktif 1992–present
Situs resmi Takeshi

Takeshi Kaneshiro (Jepang lan China: 金城 武, romaji: Kaneshiro Takeshi, Pinyin: Jīnchéng Wǔ);lair ing Taipei, Taiwan, 11 Oktober 1973; umur 40 taun), yakuwi aktor bapaké saka Ryukyu ananging ibuné saka Taiwan. Dheweké tau meranaké Zhuge Liang ing film The Battle of Red Cliff (2008) lan The Battle of Red Cliff II (2009). [1] Dheweké anduweni Background unik kang nggawa akeh keuntungan kanggoné kaya keahliané migunakaké pirang-pirang basa, mulai basa Mandarin, Jepang, Kanton, Taiwan, uga basa Inggris.[1] Mangsa cilik Takeshi urip ing Taiwan kanthi proses kang ora gampang. Dheweké ngalami akeh masalah kerana background campurané mau.[1] Takeshi kerep didadekaké guyon ing sekolah amarga getih campurané nganthi anggawe prakara ora mung ing Taiwan, ananging uga ing lingkungan Jepang.[1] Amarga alesan kuwi, dheweké mutusaké kanggo pindhah ing Taipei American School kang luwih nyaman mungguhé.[1]

Kaneshiro ngawiti kariré dadi bintang iklan ing mangsa rumajané. Pasuryan ngganteng lan uniké mau nggawa kesempatan emas kanthi dadi pop-star Asia wektu dheweké nggabung karo Taipei A&R company. [1] Ing tahun 1992, Kaneshiro ngrilis karir dadi penyanyi kanthi nggawakaké lagu-lagu Mandarin lan Kanton. [1]

Bakat aktingé uga diwiwiti wektu olih tawanan main ing film kanthi peran kapisané yaiku ing film komedi Taiwan. [1] Malah sutradara kang diakoni sacara internasional Wong Kar-Wai menehi kesempatan dening Takeshi kanggo mbintangi Chungking Express ing 1994 lan Fallen Angels taun 1995.[1] Peran penting Kaneshiro uga katon nalika main ing film liyané, kaya Lost and Found garapané Lee Chi-Ngai.[1]

Sakliyané film-film kang diproduksi ing Hong Kong, Kaneshiro uga mulai dilirik dening produser film Jepang.[1] Kaneshiro duweni kasempatan mbintangi film-film miniseri, kaya God Please Give Me More Time taun 1998. [1] Film iki kagolong kontroversial kang critané cintané wong kang diweni penyakit HIV AIDS.[1] Film ngawiti karir gemilang Kaneshiro ning Jepang, banjur ditambah karir akting ning film-film liyané kaya Sleepless Town taun 1998 lan Space Travelers taun 2000.[1] Akeh film-film Hongkong lan Jepang diperanake kanthi apik dening Kaneshiro nganti nggawa dheweké ing kesuksesan. [1]

Perané ing film kanon the Battle of teh Red Cliff I lan II nggawa dheweké dadi punjul saka sakdurungé, nganthi dheweké dikenal dening publik internasional, ora mung ing Asia.[1] Pasuryan ganteng lan awak atletis Kaneshiro uga narik designer label Prada, kang ndadekaké Kaneshiro dadi model internasional kanggo merek kondhang lan duweni gengsi iki.[1] Ananging getih campuran lan kebangsaan uga kerep dadi masalah Takeshi.[1] Kaneshiro didiskualifikasi saka ajang Taiwan's Golden Horse Awards sasi Oktober 2008 amarga isih nggawa kewarganegaraan Jepang.[1]

Film RED CLIFF utawa kang nduweni judul asli CHI BI yaiku film gaweyané John Woo kang wis dirilis taun 2008 ning Asia. [2] Ananging film kang dibintangi dening Takeshi Kaneshiro lan Tony Leung iki lagi mlebu ing Amerika wulan Oktober 2009 [2] lan mbalik meruhi still foto film kang kainspirasi saka kisah telung Kerajaan ing Cina Kuno.[2]

Cathetan Suku[sunting | sunting sumber]

  1. ^ a b c d e f g h i j k l m n o p q r s (id)Biografi Takeshi Kaneshirodipununduh tanggal 14 Agustus 2011
  2. ^ a b c (id)Tiga Kerajaandipununduh tanggal 14 Agustus 2011
Sumber artikel punika saking kaca situs web: "http://jv.wikipedia.org/w/index.php?title=Takeshi_Kaneshiro&oldid=832181"