Serama

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jago Serama asal Malaysia

Serama (Basa Melayu Ayam Serama), iku sajinis pitik sing awaké cilik, bobot rata-rata sangisoré setengah kilogram kanthi postur dedeg piadeg sing ndhangak lan buntut tegak mandhuwur lan wulu swiwiné mangisor mèh klèngsrèh lemah.

Sajarah[sunting | sunting sumber]

Serama turunan Malaysia iku isih kagolong anyar. Asal muasal lan sajarahé sing mesthi isih durung cetha. Ana legéndha yèn asalé saka katurunan silang antara manuk dara lan pitik. Crita liyané nyatakaké yèn bibit serama asal saka pawèwèh saka raja Thailand marang sultan ing jaman kuna, sing dikira ing Kelantan, tlatah sing cedhak karo tapel wates Thailand. Pitik cilik wis dadi sato iwèn sing populèr ing tlatah kasebut lan kerep dsebut minangka "ayam katik" ("pygmy chickens") lan "ayam cantik" (" pretty chickens").

Panangkaran modhèrn wiwit saka usaha Wee Yean Een saka Kelantan, sing njenengaké "Serama" saka tembung Raja Sri Rama, sawijining paraga Wayang Kulit. Asil penangkaran mau wiwitan dipamèraké ing taun 1990 lan banjur dadi misuwur. Taun 2000 minangka taun paling polpulèr ing Malaysia. Pitik penangkaran akèh sing dadi kurban nalika ana serangan flu manuk ing taun 2004, amarga luwih saka 50,000 pitik kudu dibesmi. Ewasemono sabanjuré penangkaran wiwit urip lan populèr manèh ing Malaysia.

Penangkaran[sunting | sunting sumber]

Panangkaran Serama cukup prasaja. Sawisé ngendhog mbutuhaké wektu watara 19–21 dina nganti netes. Kuthuk Serama rada kurang tahan marang hawa adhem amarga ukurané sing cilik. Sawisé netes dibutuhaké watara 16–18 minggu ngati kuthuk Serama ngancik diwasa lan wiwit siap ngendhog.

Ing Amérika[sunting | sunting sumber]

Ing taun 2001, Serama pisanan diimport menyang Amérika déning KJ Theodore saka Illinois. Jerry Schexnayder saka Louisiana ngimpor klompok kapindho. Impor déning Theodore kualitasé luwih apik, arupa jinis sing paling cilik. Impor déning Schexnayder wujudé luwih gedhé, nanging kélangan (rusak) gèné. Serama sing ana ing Amérika arupa turunan langsung saka kaloro jinis kasebut. Serama sabanjuré dipromosèkaké déning sawijining organisasi sing diadegaké déning Jerry Schexnayder, yaiku The Serama Council of North America (SCNA). Dhéwan iki sing pisanan ngenalaké Serama menyang Amérika Lor ing werna-werna pamèran. Ing mangsa semi 2004 Serama wis bisa nganakaké pamèran mandhiri yaiku Cajun Classic ing Baton Rouge, Louisiana.

Ing Eropah[sunting | sunting sumber]

Serama pisanan diimpor menyang Inggris watara taun 2003-2004. Import pisanan iki saka Amérika lang langsung saka Malaysia. Ing taun 2005, saklompokcilik pamiyara Serama mutusaké ngadegaké sawijining klub Serama Club of Great Britain, arupa klub Serama pisanan sing ana ing Inggris. Klub iki nemtokaké standar panangkaran Serama ing Inggris. Tansaya suwé, yaiku ing taun 2008, klub kasebut diakoni minangka afiliasi saka klub panangkaran Poultry Club of Great Britain.

Ing Indonésia[sunting | sunting sumber]

Galeri[sunting | sunting sumber]

Referensi[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Serama&oldid=829380"