Senjata Biologi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lambang internasional kanggo bebaya biologi (biological hazard).

Senjata biologi (basa Inggris: biological weapon) yaiku senjata kang nggunakake patogen (baktèri, virus, utawa organisme kang gawé penyakit liyané) minangka piranti kanggo matèni, natuni utawa nglumpuhake musuh. [1]Senjata biologi ora mung arupa organisme patogen, nanging uga toksin kang mbebayani kang diasilaké déning organisme tartamtu.[1] Ing kasunyatan, senjata biologi ora mung nyerang manungsa, nanging uga kéwan lan tanduran.[1] Gawé lan nyimpen senjata biologi wis dipenggak déning Konvènsi Senjata Biologi 1972 kang ditapakasmani déning luwih saka satus negara. Alesané ya iku kanggo ngéndhani èfèk kang diasilaké déning senjata biologi, kang bisa matèni mayuta-yuta manungsa, lan ngganggu sèktor ékonomi lan sosial.[2]Nanging, Konvensi Senjata Biologi mung nglarang gawé lan nyimpen senjata biologi, ora menging nggunakaké. [2]Sajarah panggunaan senjata biologi diwiwiti taun 400 SM, nalika wong Iran Kuna (scythians) nggunakake panah kang dicelupaké ing jero feses lan mayit makluk kang wis dadi bathang.[2] Kabèh mau uga tau ditindakaké déning bangsa Roma kang nyelupaké pedhangé ing rabuk lan sisa-sisa kéwan kang wis bosok sadurungé merangi musuhé.[3]

Rujukan[sunting | sunting sumber]

  1. ^ a b c (en) Federation of American Scientists. Introduction to Biological Weapons. http://www.fas.org/programs/bio/introtobw.html#intro.
  2. ^ a b c (en) Convention on the Prohibition of the Development, Production and Stockpiling of Bacteriological (Biological) and Toxin Weapons and on Their Destruction. Signed at London, Moscow and Washington on 10 April 1972. http://www.fas.org/programs/bio/resource/documents/btwctext.pdf.
  3. ^ (Inggris) Eric Croddy (2001). Chemical and Biological Warfare: A Comprehensive Survey for the Concerned Citizen. Springer. ISBN 978-0-387-95076-1. Page: 219-224

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Senjata_Biologi&oldid=830733"