Radèn
Radèn (dicekak: R.) ya iku gelar ningrat Jawa kanggo wong lanang katurunan darah dalem saka kraton. Gelar iki kanggo katurunan ningrat Jawa kaping papat saka darah dalem Sultan/raja Jawa nganti saterusé. Gelar iki dianggo dèning kabèh kraton-kraton pewaris trah Kasultanan Mataram. Gelar iki kanggo wong lanang sing wis omah-omah, yèn durung gelaré iku Radèn Bagus. Ing liyané trah Mataram, gelar Radèn uga ditemokaké ing wong-wong ningrat Cirebon, Sunda, Madhura, Banten, Palembang, Jambi, Banjar, Kutai (Aji Radèn), lan Sasak.