Quneitra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Quneitra (utawa Al Qunaytirah, Qunaitira, Kuneitra; Arab: القنيطرة‎) iku sawijining kutha sing sabagéyan gedhé wis ancur lan ditinggal pedunungé lan papané ana ing Suriah kidul-kulon. Kutha iki sajatiné ibukutha kagubernuran Quneitra ing sawijining lebak ing Dataran Dhuwur Golan ing kadhuwuran 1.010 mèter. Quneitra diadegaké déning yasané Kakaisaran Ottoman minangka enggon lèrèn kanggo kafilah sing menyang Damaskus. Sawisé iku kutha iki dadi kutha garnisun mawa pedunung 20.000 jiwa sing enggoné stratégis cedhak garis gencatan senjata karo Israel.

Ing tanggal 10 Juni 1967, ing dina pungkasan Perang Enem Dina, Quneitra direbut Israel. Banjur sawisé iku direbut bali déning Suriah ing taun 1973 nalika Perang Yom Kippur, nanging but Israel bisa ngrebut bali manèh. Kutha iki mèh rusak kabèh sadurungé dibalèkaké déning Israel ing sasi Juni 1974. Saiki papané ana ing zona démilitarisasi PBB (United Nations Disengagement Observer Force (UNDOF)) cedhak wates de facto antara Israel lan Suriah. Israel naté dikritik tajem déning PBB amerga ngrusak kutha iki. Sawalikané Israel uga ngritik Suriah amerga ora ngrénovasi Quneitra.

Status pulitik[sunting | sunting sumber]

Quneitra iku ibukutha Kagubernuran Quneitra, satunggaling tlatah ing kidul-kuloné Suriah sing tlatahé yaiku kabèh wilayah Dataran Dhuwur Golan. Kutha Quneitra iku ing bagéyan Golan sing dikuwasani Suriah. Israel ngeklaim Dataran Golan sing dikontrol nangin ora diakoni déning Donya Internasional lan tlatah iku dianggep tlatah pendhudhukan miturut hukum internasional.

Sumber artikel punika saking kaca situs web: "http://jv.wikipedia.org/w/index.php?title=Quneitra&oldid=815904"