Organisasi Internasional kanggo Standardisasi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar:Iso logo.gif
Logo International Organization for Standardization
Negara anggota ISO

Organisasi Internasional kanggo Standardisasi (basa Inggris: International Organization for Standardization dicekak ISO utawa Iso) iku badan panetepan standar internasional sing dumadi saka wakil-wakil badan standar nasional saben negara. Wiwitané, cekakan jeneng badan kasebut yakuwi IOS, dudu ISO. Nanging saiki luwih kerep nganggo cekakan ISO, amarga jroning basa Yunani isos tegesé padha (equal). Panggunaan iki disa dideleng ing tembung isometrik utawa isonomi.

Diadegaké tanggal 23 Februari 1947, ISO netepaé standar-standar industrial lan komersial donya. ISO, sing arupa lembaga nirlaba internasional, wiwitané dibangun kanggo gawé lan ngenalaké standardisasi internasional kanggo apa waé. Standar sing wis kita kenal antara liya standar jenis film fotografi, ukuran kartu telepon, kartu ATM Bank, ukuran lan kandelé kertas lan liya-liyané. Jroning netepaké sawijining standar kasebut badan iki ngundang wakil anggotané saka 130 negara kanggo lungguh ing Komite Teknis (TC), Sub Komite (SC) lan Kelompok Kerja (WG).

Senadyan ISO iku organisasi nonpemerintah, kemampuané kanggo netepaké standar sing sering dadi hukum liwat pasetujon utawa standar nasional agawé luwih nduweni pengaruh tinimbang organisasi non-pemerintah liyané, lan jroning praktek ISO dadi konsorsium kanthi hubungan sing kuwat karo pihak-pihak pemeréntah. Peserta ISO klebu siji badan standar nasional saka saben negara lan perusahaan-prusahaan gedhé.

ISO nyambut gawé bebarengan karo Komisi Elektroteknik Internasional (IEC) sing tanggung jawab ngenani standardisasi peralatan elektronik.

Penerapan ISO ing sawijining prusahaan migunani kanggo:

  • Ningkataké citra prusahaan
  • Ningkataké kinerja lingkungan prusahaan
  • Ningkataké efisiensi kegiatan
  • Ndadani manajemen organisasi kanthi nerapaké perencanaan, pelaksanaan, pengukuran lan tindakan perbaikan (plan, do, check, act)
  • Ningkataké penataan ketentuan peraturan perundang-undangan jroning babagan pengelolaan lingkungan
  • Ngurangi resiko usaha
  • Ningkataké daya saing
  • Ningkataké komunikasi internal lan hubungan apik marang manéka werna pihak sing magepokan
  • Ngéntukaké kapercayan saka konsumen/mitra kerja/pemodal

Delengen uga[sunting | sunting sumber]

Pranala jaba[sunting | sunting sumber]