Munggah wuwungan

Saka Wikipédia Jawa, bauwarna mardika basa Jawa
(Kaelih saka Munggah gendeng)

Munggah wuwungan iku upacara adat kang diselenggara'ake bubar wuwungan dibangun/diadhek'ake ing prosès yasa umah. Istilah munggah wuwungan iki kadhang diarani munggah gendeng. Upacara iki diselenggara'ake wektu rangka wuwungan wis dadi ning gendeng urung dipasang.

Upacara adat iki uga dikenal ing laladan-laladan liya ing Nusantara.

Slametan lan syukuran[besut | besut sumber]

Upacara iki sejatine upacara kanggo syukuran amarga seneng umah kang dibangun wis nduwé wuwungan dadi sedela manèh wis bisa dipanggoni lan ora bakalan kudhanan lan kepanasan. Puncak acarane ya iku kendhuren, mligi kanggo tukang-tukang kang yasa umah lan tangga-tangga cedhak umah kang dibangun. Acara ditutup karo ndonga bareng kang kabawah ulama. Biasane acara kendhuren munggah wuwungan iki diselenggara'ake awan utawa bubar shalet dhuhur, dadi saliyané kanggo mangan awan tukang-tukange uga jamaah lan ulama kang metu saka masjid utawa langgar bisa langsung mèlu lan baline nggawa tentengan besek.

Sesajen[besut | besut sumber]

Sesajen iki disiapake kanggo digantung ing salah siji kayu ing wuwungan. Sing ora digantung mung bendhera abang putih kang dipasang nganggo galah kang dawane sedeng (ora patiya dawa), kang bisa katon saka omah tangga-tanggane. Sesajen kang kudu disiapake: