Kubra siswa
Kubra siswa ya iku kesenian khas saka Jawa Tengah lan Yogyakarta. Kubra siswa ya iku salah sijining kesenian sing nduwé suasana Islam. Pagelaran kubra siswa racaké di pentaske ing acara pengetan kemerdekaan Indonesia, supitan, nikahan utawa acara merti désa. Rupa seni kubra siswa ya iku jogetan sing diiringi nganggo tabugan lan nyanyian Islami. Tabuhan sing dinggo ngiringi kubra siswa asalé saka piranti tradhisional ya iku demung, jédhor, bedhug, bendhé, lan kenong.
Kubra siswa thukul ing masarakat amarga ana prabawa saka pulitik lan keperluan dakwah Islam kala iku. Aliran komunis akèh nyebar nanggon masarakat, kesenian lan pagelaran uga di ratani kesenia nganggo aliran komunis. Para sesepuh lan ahli agama prihatin lan ngadegaké kelompok grup kubra siswa. Kubra tegesé kesenian ubahing badan lan raga, déné siswa nduwé arti perlu dadi murid utawa siswa kanggo duwé ngèlmu. Kubra siswa wiwit ana ing taun sewu sangangatus enem puluhan. Sapisanan, kubra siswa thukul ing Mendut, kacamatan Mungkid, kabupatèn Magelang. Ing sapisan, pentas kubra siswa dilakoni amrih para santri.