Kannushi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Satunggaling kannushi ngagem busana ingkang dipunwastani kariginu lan topi ingkang dipunwastani ebōshi

Kannushi (神主? "pakar dewa", aslinipun dipunlafalaken kamunushi),ugi dipunwastani shinshoku (神職?), inggih menika tiyang ingkang gadhah tanggel jawab awit saking ngurus kuil Shinto [1] (jinja) ugi mimpin sembahyang dhateng kami.[2] Huruf kanji kangge nyerat kannushi kadang kala saged kawaos jinshu kanthi pangertosan ingkang sami.

Sajarah[sunting | sunting sumber]

Purwanipun, kannushi menika lantaran antawisipun para 'kami ugi saged mentransmisikan kekajengan dhateng tiyang biasa.[3] Satunggaling kannushi kalebet tiyang ingkang saged nglampahi mukjizat utawi tiyang suci ingkang dados lantaran kagem kami amargi usaha nyucèkaken dhiri ingkang dipunlampahi. Ananging lajeng istilah kasebut sejajar kalihan shinshoku, inggih menika tiyang ingkang nyambut damel wonten ing kuil lan gadhah tanggel jawab awit saking pucara religius ingkang dipunwontenaken ing mriku.[2][4]

Nalika jaman rumiyin, amargi kekuwatan politik lan religius ingkang sejajar wonten ing satunggaling klan, lajeng ketua klan ingkang mimpin anggota klan nalika kegiatan religius utawi saged dipunlampahi déning pehak ingkang gadhah wewenang sanèsipun. [4] Lajeng peran kasebut lajeng mekar dados wujud ingkang langkung khusus lan kapisah. Istilah kasebut dipunsebataken wonten ing kitab Kojiki (680 M) lan Nihon Shoki (720 M).[4] Saben kitab dipunsebatakwn bilih Maharani Jungū lan Kaisar Suijin dados kannushi.[3] Wonten ing kuil ingkang sami, tuladhanipun Ise Jingū utawi Kuil Ōmiwa, wonten maneka jinis kannushi ingkang béda-béda ing wekdal ingkang sami, tuladhanipun Ō-kannushi (大神主?), Sō-kannushi (総神主?), atau Gon-kannushi (権神主?).[3][4]

Tradisi[sunting | sunting sumber]

Satunggaling kannushi kenging nikah lajeng larenipun ingkang marisi pakaryan kasebut. [5] Sanajan status turun temurun menika boten dipunakoni kanthi sah, ananging tradisinipun tasih kelajengan.[6] Busana ingakng kaginakaken tuladhanipun jōe, ebōshi lan kariginu, boten gadhah ciri religius ingkang signifikan, ananging kalebet busana resmi ingkang dipunginakaken wonten ing lingkungan kraton Jepang nalika jaman rumiyin.[5] Perangan menika ngandharaken hubungan ingkang celak antawisipun pamujan kami kalihan Kaisar.[5] Atribut sanèsipun ingkang dipunginaken dening kannushi inggih menika baton ingkang dipunwastani shaku lan tongkat ingkang kajanegkepi kalihan lempitan kertas putih (shide) ingkang dipunwastani ōnusa. Anggènipun nglampahi tugas religiusipun, , kannushi dipunbiyantu déning satunggaling wanita ingkang dipunwastani miko.

Kanggé dados satunggaling kannushi, ingkang dados calon kedah nglampahi studi ing satunggaling universitas lan sampun pikantuk ijin saking Jinja Honchō (Asosiasi Kuil Shinto), padatanipun Universitas Kokugakuin Tokyo, utawi nglampahi ujian supados pikantuk sertifikat lolos kualifikasi kasebut.[6] Satunggaling wanita kenging dados kannushi lan randha saged nglajengaken pakaryan garwanipun ingkang dados kannushi.[6]

Cathetan suku[sunting | sunting sumber]

  1. ^ (id) Budaya Jepang, (dipunakses tanggal 7 Februari 2013).
  2. ^ a b * Kannushi (in Japanese), Iwanami Kōjien (広辞苑?) Japanese dictionary, 6th Edition (2008), DVD version
  3. ^ a b c Nishimuta, Takao (2007-03-28). "Kannushi". Encyclopedia of Shinto. Kokugakuin. http://eos.kokugakuin.ac.jp/modules/xwords/entry.php?entryID=1285.
  4. ^ a b c d Moriyasu, Jin. "Kannushi" (in Japanese). Nihon Hyakka Zensho. Shogakukan. http://100.yahoo.co.jp/detail/%E7%A5%9E%E4%B8%BB/.
  5. ^ a b c Nishimura, Hajime (1998). A Comparative History of Ideas. Motilal Banarsidass. ISBN 978-81-208-1004-4.
  6. ^ a b c "Shinshoku". Encyclopaedia Britannica Online. http://www.britannica.com/EBchecked/topic/540847/shinshoku.

Pranala njawi[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Kannushi&oldid=850083"