Kaisar Jianwen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaisar Jianwen

Kaisar Jianwen (Hanzi: 建文,1377-1402?) yaiku kaisar kaping 2 saka Dinasti Ming, jeneng asline ya iku Zhu Yunwen (朱允炆).[1][2] Dheweke yaiku putu saka Zhu Yuanzhang (Kaisar Hongwu) kang ngedegake Dinasti Ming.[1] Bapake yaiku Zhu Biao anak pisanan saka Zhu Yuanzhang kang kudune marisi tahta, nanging dheweke mati sadurunge dadi kaisar.[1] Merga saka perkara mau banjur hak waris tahta diwenehake marang Jianwen.[1][2] Wiwitané Zhu Yuanzhang duwé rencana kanggo marisaké tahta marang Zhu Di amarga dhèwèké kesengsem karo bakaté, sawisé bisa mepaki geguritan (puisi) kang asilé luwih apik saka Zhu Yunwen.[2] Nanging ana sapérangan mentriné kang duwé prinsip anak sulung kuwi sing duwé hak kanggo marisi tahta ngrasa kabotan mulo Zhu Yuanzhang kanthi kapeksa banjur nyatakaké Zhu Yunwen dadi panerusé.[2][1] Sawise Zhu Yuanzhang mangkat, Zhu Yunwen dadi kaisar kang gelare Jianwen. Ana ing jaman pamrentahane dheweke ngusahakake kanggo ngurangi kekuasaan para raja, kalebu uga pamane Zhu kang nalika kuwi duwe gelar Raja Yan.[2] KNalika dina pemakaman kakine, Jianwen menehi prentah kanggo para raja supaya aja padha teka ana ing Nanjing (ibukota Ming nalika jaman semana) kanggo nekani pemakaman.[2] Minangka anak kang baktine gedhe , Zhu ora gindahkan prentah iki lan tetap mangkat menyang Nanjing.[2] Ngerti perkara iki, Jianwen langsung menehi prentah marang pasukane ana ing Huai’an (saiki Jiangsu) kanggo ngadangi pamane lan mrentahake kanggo bali menah menyang daerahe.[2] Wiwit saka kuwi banjur kekarone dadi mungsuhan.[2][1] Zhu kanthi meneng-meneng nglatih pasukane lan ora suwe nyatakake perang marang Jianwen, keponakane.[2] Prastawa iki dikenal ana ing sejarah dadi Insiden Jingnan (靖难之变).[2] Sasi Juni 1402, pasukan Zhu bisa nduduki Nanjing. Jianwen dhewe dilaporake mati kobong bebarengan karo keluargane.[2][1]


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar_Jianwen&oldid=832692"