Ikea

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Toko IKEA ing Groningen, Walanda.

IKEA kuwi sawijining toko prabotan kanggo isi omah saka negara Swedia. Ing mangsa anyep 2004, wis ana 202 toko IKEA ing 32 negara ing donya lan watara 20 manèh kang bakal dibukak ing taun 2005. Katalog IKEA kang isiné info produk IKEA dikira-kira minangka buku kang pendistribusiané paling akèh kaloro sawisé Alkitab lan biasané direvisi saben sasi Agustus. Nganti saiki IKEA durung ndarbèni toko ing Indonesia.

Pangucapan IKEA yakuwi /i'ke.a/ kayadéné cara maca basa Indonesia nanging pangucapan liyané kang uga kerep dipigunakaké yakuwi /aɪ'ki:ə/ kayadéné tembung basa Inggris, idea.

Sajarah[sunting | sunting sumber]

Perusahaan ini didegaké déning Ingvar Kamprad taun 1943 wektu dhèwèké isih umur 17 taun kang saiki wis dadi salah siji milyunèr ing donya. IKEA kuwi cekakan saka jenengé, Ingvar Kamprad; panggonan dilairaké, Elmtaryd; lan desané, Agunnaryd.

Wiwitané, IKEA dodol werna-werna barang, saka pulpèn, dompèt, bingkai foto, nganti tekan arloji. Prabotan wiwit mlebu jroning daftar ing taun 1947 lan IKEA wiwit ngrancang dhéwé taun 1955.

Cara dodolané, wiwitané liwat pos, banjur siji toko dibukak ing Älmhult kang banjur dadi model toko IKEA kanggo saterusé. Tanggal 23 Maret 1963, toko IKEA pisanan ing jaba Swedia dibukak ing Asker, cedhak Oslo, Norwegia.

Produk[sunting | sunting sumber]

Produk IKEA dikenal kanthi rancangané kang modern lan kadhangkala kagolong anèh. Salah siji prinsip IKEA yakuwi ngurangi rega kanthi manéka cara tanpa ngurangi kualitas. Bab iki bisa dideleng ing toko-toko IKEA lan ing katalogé, arupa pitakonan kaya: "Kenapa IKEA ngadol tanpa dirakit?" utawa "Kenapa IKEA nggawé akèh-akèhan?" utawa "Kenapa ora biasa?". Jeneng-jeneng produk IKEA uga unik banget lan ora biasa.

Toko[sunting | sunting sumber]

Toko IKEA akèh-akèhé awangun balok biru kang gedhé kanthi jendhela kang minim. Penataan tokoné, biasa diatur saéngga pengunjung teka lan mlebu bagéyan ruang pamèr kanggo ndeleng werna-werna produk, nuli menyang market-hall, panggonan barang-barang cilik, terus menyang gudhang kanggo njupuk perabot kang arep dituku lan pungkasané tekan kasir. Jalur kang digawé ngarahaké pengunjung supaya ngliwati saindhenging toko lan ana uga dalan pintas kang rada cilik. Ing tlatah Asia Pasifik sawetara iki durung akèh tinemu toko IKEA, kang wis ana yakuwi ing Australia, China, Jepang, Hongkong, Taiwan lan Singapura.

Biasané, toko dumadi saka rong tingkat kanthi ruang pamer lan market-hall ing bagéyan dhuwur lan gudang ing ngisor. Kadhangkala, ana uga restoran kang dodol panganan Swedia klebu Bakso Swedia kang khas.

Delengen uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ikea&oldid=812821"