Gurukul

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Pawiyatan Gurukul

Gurukul (Sansekerta guru "guru" utawi "master"; domainipun kul, saking kula, "kulawarga ingkang ageng") inggih menika jinisipun sekolah ing India, manggenipun ing ngalam, kanthi murid ingkang urip sesarengan kaliyan gurunipun, urip sesarengan kaliyan gurunipun, asring ing griya ingkang sami. [1] Wonten ing gurukul, muridipun manggén sesarengan kathi sami (drajatipun), boten ningali status sosialipun, sinau dhateng guru lan mbiyantu guru ing pagesangan saben dintenipun, ugi nyambut damel ingkang biasa kemawon, kadosta ngumbahi, masak, lan sanésipun. Tradisi guru-shishya (murid) menika tradisi ingkang suci wonten ing agami Hindu, ugi ing pakempalan agami sanés ing India, kados Jainisme, Buddhisme, lan Sikhisme. Biasanipun, guru boten nampi upah saking murid ingkang sinau dhateng piyambakipun. Ing pungkasanipun studi, murid nawaraken dakshina sadéréngipun nilaraken ashram. Gurudakshina menika sikap tradhisional, raos urmat lan panuwun, ingkang kadosipun meksa, ananging ugi dados tugas khusus kagem murid ingkang badhé ngrampungaken sinaunipun.

Sajarahipun[sunting | sunting sumber]

Gurukul wiwit wonten ing zaman Weda. Upanishad kathah nyebataken gurukul, kalebet saking Yajnavalkya, Varuni lan sanésipun. Brigu Valli, salah satunggalipun pengamat ingkang misuwur ing Brahman, dipunsebataken sampun naté kalampahan ing paguron gurukul kagunganipun Varuni. Sekolah Veda mikiraken upacara ingkang kawitan (Upanayanam) kagem sedaya tiyang, kalebet tiyang éstri, sadéréngipun yuswa 8 utawi ngantos 12 taun. Saking upacara ingkang kawitan ngantos yuswa 25 sedaya individu ingkang dipunresepaken kagem siswa lan tetep boten palakrami. Gurukul dipunparingi surungan saking masyarakat lan ugi saking administrasi. Menika dipunpilih saking kathahipun pilihan kitab Wéda kanthi gurukul ingkang damel kantor sekolahipun. Ing Jaman kolonial sistem gurukul nyebar ing India kejawi dhaérah kadosta Kerala, prajurit saking klan Nair lan guruklas saking golongan militer, dipunsebat kalaris, tradisi menika taksih dipunjagi ngantos dumugi samenika.

Tujuanipun[sunting | sunting sumber]

Tujuanipun gurukul inggih menika kagem mromosikaken lan ngajar basa Hindi, sanésipun mromosikaken babagan budaya India.[2]

Ngrembakanipun[sunting | sunting sumber]

Samangké pinten-pinten guruklas sampun dipunwiwiti, awit saking kepénginan kagem ngrui-uri tradisi lan kauntungan. Contonipun sekolah ingkang énggal menika inggih menika Ananda Marga Gurukula.[3] Sekolah menika sanés sekolah agami ing tradisi Hindu, ananging lembaga akademis sekulér kanthi dhasar prinsip-prinsip spiritual universal.

Vivekananda College ingkang caket inggih menika NAAC setunggalipun pawiyatan luhur ingkang pikantuk akréditasi A ingkang dipunatur dening sistem Gurukula.[4] Ing India lan negara sanés, gurukul [5] menika dados dasanama utawi nama sanés saking Swaminarayan Gurukul, setunggalipun organisasi, sosio-spiritual nirlaba kanthi langkung saking 14 cabang lan pusat, kepala cabang ing Gurukul Rajkot. Gurukul Bhaktivedanta lan International School, dipunbangun ing taun 1977, inggih menika gurukul ingkang wonten ing Vrindavan, India. Sekolah ingkang nengenaken budaya lan Wéda kanthi nyiapaken ICSE.

Kapustakaan[sunting | sunting sumber]

  1. ^ Cheong Cheng, Cheong Cheng Yin; Tung Tsui Kwok Tung Tsui, Wai Chow King Wai Chow, Magdalena Mo Ching Mok (Eds.) (2002). Subject Teaching and Teacher Education in the New Century: Research and Innovation. Springer. pp. 194. ISBN 9629490609.
  2. ^ Namaste (dipunaksés ing tanggal 6 April 2011)
  3. ^ establishes courses on Neohumanist Education, "Gurukul: History and Planning", pp. 183-185, Ananda Marga Publications, 1998.
  4. ^ "A 'gurukula' for life training", The Hindu, 10 January 2005. 
  5. ^ Shree Swaminarayan Gurukul

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gurukul&oldid=830124"