Foton

Foton kang dipancarake ing berkas koheren laser

Foton yaiku partikel elementer ana ing fenomena elektromagnetik. Biasane foton dianggep sing ngawa radiasi elektromagnetik, kaya cahya, gelombang radio, lan Sinar-X. Foton beda karo partikel elementer liyane kaya elektron lan quark, merga foton ora duwe bobot lan ana ing ruang vakum foton bisa obah karo kecepatan cahya, c. Foton duwe sifat gelombang lan partikel ("dualisme gelombang-partikel"). Ana ing ilmu fisika, Foton (saka basa Yunani φως, ykang tegese cahaya) yaiku kuantum saka medan elektromagnetik lan salah siji partikel dasar kang disinauni ing elektrodinamika kuantum (QED, Inggris: Quantum Electrodynamics) bagian paling tua saka Model Standar fisika partikel. Awujud gelombang, siji foton tunggal nyebar ana ing kabeh ruang lan nuduhake fenomena gelombang kaya pembiasan lensa lan interferensi destruktif nalika gelombang dipantulake lan musnahake siji karo sijineDadi partikel, foton mung bisa interaksi karo materi mindahke energi sakjumlah:

$E = \frac{hc}{\lambda}$,

tegese yaiku $h$ yaiku konstanta Planck, $c$ yaiku laju cahaya, lan $\lambda$ yaiku dawa gelombange. Sakliyane energi partikel foton uga nggawa momentum lan duwe polarisasi. Foton matuhi hukum mekanika kuantum, kang tegese yaiku besaran-besaran saka foton sering ora bisa diukur kanthi pas. Biasane besaran-besaran sak foton dijabarake dadi probabilitas ngukur polarisasi, posisi, utawa momentum. Tuladhane yaiku foton kang bisa ngeksitasi salah siji molekul, sering ora bisa ngramalake sakdurunge, molekul endi kang arep kena reksitasi.