Fotografi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kamera iku salah sijine sarana kang wigati banget ing fotografi

Fotografi yaiku seni lan asiling gambar lan cahya (sunar) ing film.[1]. Fotografi kang gegayutan karo teknologi nembe dikenal kurang luwih 150 taun kepungkur, nanging yen ngenani gambar rong dimensi kang diasilake saka anane sunar (cahya), fotografi wis ana nalika sadurunge Masehi.

Tetembungan fotografi dianggo pisanan dening Sir John Herschel ing taun 1839.Fotografi dumadi saka tembung ing basa Yunani yaiku Phobos lan Graphoo.[2] Phobos tegese cahya utawa sunar lan graphoo tegese nulis.[1] Fotografi bisa ditegesi minangka pakaryan nggawe gambar kanthi srana lensa lan film utawa pelat peka cahaya.[2] Lensa ngasilake wewayangan nyata kang dijupuk dening film (plastik bening kang dilapisi emulsi perak halide). Bageyan film kang kena sunar bakal ngumpulake partikel perak halide. Yen film kasebut dicuci nganggo larutan hypo, bageyan kang kena sunar mau bakal luwih peteng tinimbang bageyan liyane. Gambar positif (fotograf) digawe ing sandhuwure kertas peka cahaya.Film kang wis dicuci mau dipasang ing ndhuwure banjur dipadhangi. Bageyan negatif kang padhang bakal nerusake sunar lan ndadekake ireng ing kertas miturut karo wewayangan wujude. [2]


Cathetan suku[sunting | sunting sumber]

  1. ^ a b (id)Kamus Bahasa Indonesia Online (dipuntingali 30 Juli 2011)
  2. ^ a b c (id)Pengertian Fotografi (dipuntingali 29 Juli 2011)
Sumber artikel punika saking kaca situs web: "http://jv.wikipedia.org/w/index.php?title=Fotografi&oldid=831633"