Fan Bingbing
| Fan Bingbing | ||||||
|---|---|---|---|---|---|---|
 Fan Bingbing ing Cannes Film Festival 2010 |
||||||
| Jeneng Cina | 范冰冰 | |||||
| Pinyin | Fàn Bīngbīng (Mandarin) | |||||
| Jyutping | Faan6 Bing1 Bing1 (Kanton) | |||||
| Leluhur | Yantai, Shandong, China | |||||
| Pakaryan | Aktris, penyanyi | |||||
| Taun aktif | 1996 - saiki | |||||
|
||||||
Fan Bingbing 16 September 1981 (umur 30) dhèwèké kuwi aktris lan penyanyi saka China. Dhèwèké tau sekolah ing Shanghai Xie Jin's Star School lan Shanghai Theatre Academy.[1]
Ing taun 1997, Fan wiwit munggah kariré amarga meranaké paraga ing film kang judhulé "Princess Pearl".[1] Awit kuwi kariré tambah suksès saéngga dhèwèké wiwit kebanjiran tawaran kanggo main ing film-film lan sérial télévisi.[1] Dhèwèké uga dadi salah sijining artis kang paling kondhang ing dhaérah China.[1] Sawisé suksès amarga karir aktingé, Fan uga wiwit ngrilis album, metu ing samak kalawarti, lan dadi juru omong ing mèrek prodhuk komersil.[1]
Ing taun 2007, Fan mbukak studhio dhéwé, kang diwènèhi jeneng Fan Bingbing Workshop. [1] Filmé kang kaping pisanan diprodhuksi studhio kasebut yaiku "Rouge Snow", kang sawisé kuwi disusul karo ngrilis "Jin Da Ban De Zuihou Yiye" ing taun 2008.[1] Sawisé kuwi dhèwèké mbukak sekolah seni ing Huairou, Beijing. Ing sekolah kasebut, dhèwèké njabat dadi kepala sekolahé.[1] Émané sekolah kasebut ora temenanan dikelola déning dhèwèké, mula wong tuwané kang ngurusi sekolah kasebut.[1] Dhèwèké uga dadi pamimpin ing klompok akting kang jenengé West Movie Group kang sawisé kuwi kondhang kanthi jeneng Chinané Monica Bellucci.[1]
Ing taun 2010, Fan Bingbing olèh peran ing film Koréa. Film kasebut nyaritakaké babagan Perang Donya kaping II, dijudhuli "My Way".[2] Mainaké peran bebarengan karo Jang Dong Gun, lan aktor Jepang, Odagiri Joe.[2] Diarahaké déning sutradhara Kang Je Gyu.[2] Critané babagan tentara Koréa kang direkrut Jepang kanggo dadi wadyabala perang nglawan Jerman ing Perang Donya II.[2] Fan meranaké wanita China kang seneng karo tentara Koréa nalika ketemu ing China.[2] Film iki bakal njupuk gambar ing Koréa Kidul, China, Rusia lan Prancis.[2]
