Eutanasia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mesin eutanasia kang digunakake kanggo nyuntikake obat-obatan kang bisa gawe mati kanthi dosis dhuwur. Layar komputer jinjing mandu pangguna lumantar saperangan tahapan lan pitakonan kanggo mesthèkaké yen si pangguna wis bener-bener siap jroning kaputusane mau. Suntikan pungkasan banjur ditindakake kanthi pitulungan mesin kang diatur saka komputer.[1]

Eutanasia (Basa Yunani: ευθανασία -ευ, eu kang tegese "apik", lan θάνατος, thanatos kang ateges kepatèn) yaiku praktik panjabutan panguripan manungsa utawa kewan kanthi cara kang dianggep ora nuwuhake rasa lara utawa nuwuhake rasa lara kang minimal, biyasane ditindakake kanthi cara menehi suntikan kang bisa gawe mati.

Aturan hukum ngenani prakara iki beda-beda ing saben negara lan kerep owah manut pangowahan norma-norma budaya lan cawisan perawatan utawa tindakan medis. Ing saperangan negara, eutanasia dianggep legal, dene ing negara-negara liyane dianggep nglanggar hukum. Amarga sensitife isu iki, winatese lan prosedure kang ketat tansah ditrapake tanpa ndeleng status hukume.

Terminologi[sunting | sunting sumber]

Eutanasia dideleng saka sudut cara tindakane[sunting | sunting sumber]

Yen dideleng saka cara tindakane, eutanasia bisa dibagi dadi telung kategori, yaiku eutanasia agresif, eutanasia non agresif, lan eutanasia pasif.

  • Eutanasia agresif, uga sinebut eutanasia aktif, yaiku sawijining tindakan kanthi sengaja kang ditindakake dening dokter utawa tenaga kesehatan liyane kanggo nyingkatake utawa mungkasi uriping pasien. Eutanasia agresif bisa ditindakake kanthi pawenehan sawijining senyawa kang bisa gawe mati, yaiku kanthi oral utawa suntikan. Salah sawijining conto senyawa kang bisa gawe mati yaiku tablet sianida.
  • Eutanasia non agresif, kadang-kadang uga sinebut eutanasia otomatis (autoeuthanasia) digolongake minangka eutanasia negatif, yaiku kaanan sawijing pasien nolak kanthi tegas lan kanthi sadar nampa perawatan medis senajan ngerti yen panolakane bakal mungkasi uripe. Panolakan mau diajokake kanthi resmi kanthi gawe sawijining "codicil" (pernyataan tinulis tangan). Eutanasia non agresif intine yaiku sawijining praktik eutanasia pasif ingatase panjalukane pasien.

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Eutanasia&oldid=833955"