Cibulan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kolam ing Pemandian Cibulan

Cibulan menika satunggaling objek wisata ingkang awujud pemandian kanthi toya ingkang adhem ing wilayah lèrèng Gunung Ciremai, Kabupatèn Kuningan, Jawa Kulon[1]. Papan pariwisata menika kalebet satunggaling papan pariwisata paling tua ing Kuningan [2]. Objek wisata menika resmi ing tanggal 27 Agustus 1939 déning Bupati Kuningan kala menika, yaiku R.A.A. Mohamand Achmad [2]. Minangka cathetan objek wisata sanès ingkang wonten ing Kuningan inggih menika Kolam Linggarjati ing kompleks Taman Linggarjati Indah, Kecamatan Cilimus ; Kolam Cigugur ing Kecamatan Cigugur; lan Kolam Darma Loka ing Kecamatan Darma.

Sejarah[sunting | sunting sumber]

Miturut cariyos ingkang wonten ing kalangan masarakat Désa Maniskidul lan masarakat Kuningan, ulam dewa ingkang wonten ing kolam Cibulan menika rumiyinipun prajurit-prajurit ingkang boten setia kalihan pamaréntahan Prabu Siliwangi [3]. Lajeng prajurit kasebut dipunkutuk déning Prabu Siliwangi saéngga dados ulam. Wonten mitos malih bilih ulam ingkang wonten ing kolam menika saking rumiyin dumugi samenika boten kirang lan boten nambah dados tetep mekaten kemawon. Menawi kolam dipunkuras, ulam-ulam menika ical boten ngertos dhateng pundi, annaging menawi kolam sampun dipunisi toya banjur kondur malih kados waunipun.

Kawontenan Kolam[sunting | sunting sumber]

Ing objek wisata Cibulan menika wonten kalih kolam ageng awujud persegi panjang. Kolam ingkang kapisan gadhah ukuran 35x15 meter persegi kanthi jero kirang langkung 2 meter. Déné kolam ingkang kaping kalih menika kanthi ukuran 45x15 meter persegi ingkang kapérang dados kalih bagéyan. Bagéyan kapisan menika kanthi jero 60 cm dene ingkang angka kalih menika kanthi jero 120 cm. Kalih kolam menika asring dipunkuras saben kalih minggu sepisan, saged ugi langkung gumantung kawontenan toyanipun.

Saben kolam ing Cibulan menika wonten puluhan ulam kanthi werni abu-abu radi ireng ingkang dipunwastani kancra bodas (Labeobarbus Dournesis) utawi iwak dewa (Cyprinus carpico) [2]. Ukuranipun manéka warni wiwit saking 20-an cm dumugi satunggal meter. Ulam dewa menika dipunanggep keramat déning warga ing sekitar wilayah Désa Maniskidul amargi dipunpitadosi gadhah kaistimewaan tartamtu. Senajan kathah ulam kancra bodas lan ulam dewa, kolam-kolam ing Cibulan kabikak minangka kolam kanggé pemandian umum.

Ing sisih kulon pemandian menika wonten pitu sumber mata air ingkang keramat kanthi nama ‘’Tujuh Sumur’’. Pitung mata air menika awujud kolam alit kanthi nama ‘’Sumur Kejayaan’’, ‘’Sumur Kemulyaan’’, ‘’Sumur Pengabulan’’, ‘’Sumur Cirancana’’, ‘’Sumur Cisadane’’, ‘’Sumur Kemudahan’’, lan ‘’Sumur Keselamatan’’ [3]. Ing antawisipun pitung sumur menika, miturut mitosipun wonten salah satunggaling sumur ingkang wonten Kepiting emas inggih menika ‘’Sumur Cirancana’’, bilih sinten ingkang saged mirsani wujud kepiting utawi yuyu menika sedaya kekajengan saged kelajengan.

Cathetan suku[sunting | sunting sumber]

  1. ^ [1], Pemandian Cibulan dipadati pengunjung (dipunakses tanggal 21 Januari 2013).
  2. ^ a b c [2], Misteri Ikan dewa di Cibulan (dipunakses tanggal 21 Januari 2013).
  3. ^ a b [3], Pemandian Cibulan (dipunakses tanggal 21 Januari 2013).
Sumber artikel punika saking kaca situs web: "http://jv.wikipedia.org/w/index.php?title=Cibulan&oldid=836093"