Charlie And The Chocolate Factory

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Charlie and the Chocolate Factory utawa "Charlie lan Pabrik Coklat" kuwi salah sawijining novel bocah sing dikarang déning Roald Dahl. Novel iki wis diterjemahaké ing akèh basa, kayata basa Italia, Spanyol, Norwegia, Rusia, Indonesia lan liya-liyané. Novel iki uga wis tau di-film-aké kaping pindho.

Sinopsis[sunting | sunting sumber]

Pak Willy Wonka, wong sing nduwé pabrik coklat "Willy Wonka", nyebar 5 tikèt mas ing sajeroné bungkus-bungkus coklat saka pabriké. Tikét kuwi mau bisa digunakaké kanggo tour ing sajeroné pabrik coklat "Willy Wonka". Charlie Bucket, bocah lanang kéré sing ngomah ana ing gubug sacedhaké pabrik coklat "Willy Wonka" ora kanyana-nyana bisa éntuk salah sawijining tikèt mas kuwi. Dhèwèké éntuk tikèt kuwi ana ing sajroning coklat sing dituku nganggo dhuwité simbah kakungé kanggo hadhiah ambal warsané Charlie. Saliyané Charlie ana 4 bocah liya sing entuk tiket mas kuwi mau. Bocah-bocah kuwi anama Mike Teavee, Veruca Salt, Violet Beauregarde lan Augustus Gloop. Ing dina sing wis ditemtokaké, Charlie lan 4 bocah liyané nglakokaké tour sing wis dijanjèni déning Pak Wonka mau. Charlie dikancani simbah kakungé, déné bocah-bocah liyané dikancani bapak lan ibuné dhéwé-dhéwé.
Ana ing sajroning pabrik, Charlie, bocah-bocah liyané lan para wong tuwa padha digawé gumun déning isiné pabrik sing ora kanyana-nyana. Ananging, ing satengah-tengahing tour, bocah-bocah saliyané Charlie padha kena masalah. Amarga padha kena prekara mau, bocah-bocah kuwi lan para wong tuwanè banjur kudu mandheg olèhé mèlu tour.
Sawisé bocah papat lan para wong tuwané dhéwé-dhéwé padha metu saka tour, wong njaban pabrik sing mèlu tour mung kari Charlie lan simbah kakungé. Willy Wonka banjur ngandhani wong loro mau yèn tour kuwi satemené dudu mung tour biyasa. Tour kuwi saranané Willy Wonka nggolèk panerus kanggo pabrik kuwi, amarga dhèwèke ora duwé sanak kadang.

Panghargyan[sunting | sunting sumber]

  1. Surrey School Award (Inggris, 1973)
  2. Blue Peter Book Award (Inggris, 2000)

Pranala Njaba[sunting | sunting sumber]