Bubuk beras
| Bubuk beras | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Arthropoda |
| Klas: | Insecta |
| Ordho: | Coleoptera |
| Famili: | Curculionidae |
| Subfamili: | Dryophthorinae |
| Génus: | Sitophilus |
| Spésies: | S. oryzae |
| Jeneng binomial | |
| Sitophilus oryzae (Linnaeus, 1763) [1] | |
Bubuk beras (Sitophilus oryzae) kéwan kang dikenal seneng mapan ing wewijènan (séréalia) kang disimpen ing lumbung utawa gudhang. Bubuk beras kalebu ama kang banget ngrugèni lan angèl dikendhalèni manawa wis nyerang. Ora mung nyerang gabah/beras, nanging uga jagung, gandum, jewawut, canthèl lan kacang-kacangan. Larvané ndhelik sajeroning wewijèn, déné imagoné mangan pathiné.
Kalebu jinis kumbang kang ukurané cilik.
Wedharan
[besut | besut sumber]Bubuk beras kang diwasa dawané watara 2 mm kanthi moncong kang dawa. Wernané soklat tuwa utawa ireng. Wujudé saèmper karo bubuk jagung, nanging manawa disetitèkaké nyata ana pira-pira bedané[2].
Bubuk beras bisa mabur[3] lan umur bubuk kang wadon bisa nganti 3-5 sasi. Bubuk beras wadon ngendhog 2-6 iji saben dinané, lan gunggungé bisa 300 iji sadawané uripé. Moncong kang dawa kanggo gawé bolongan ing beras lan nyèlèhaké endhog.
Endhog disèlèhaké ing beras kang dibolongi kang jeroné watara 1mm, lan banjur netes sawisé watara 7 dina. Larva kang netes langsung menggerek beras kang dadi papan uripé lan mapan ing kono nganti wujud imago. Sawisé umur 28-90 dina (lumrahé 31 dina) banjur métamorfosis dadi kumbang.