Bledhèg

Saka Wikipédia Jawa, bauwarna mardika basa Jawa
Petir kutha Piracibaba, Brazil
Contoh swara guruh

Ana masalah nalika muter barkas iki? Waca pitulung médhiya.

Bledhèg yaiku tandha-tandha alam kang lumrahé ana ing mangsa udan yaiku nalika ing langit metu kilatan cahya kang mblerengi lan lumrahé dijenengi kilat kang mung sedhéla lan lumrahé langsung ana swara Guntur.[1] Kang mbédakaké lan kekarone ora bareng yaiku amarga ana bédané antarané karikatan swara lan karikatan cahya.[1] Bledhèg awujud tandha-tandha alam kang bisa digolongaké ana ing kapasitor raseksa, yaiku lèmpèng pisanan méga (bisa lèmpèng négatif utawa lèmpèng positif) lan lèmpèng kaping loro yaiku bumi (dianggep nétral).[2] Kaya kang dingertèni kapasitor yaiku siji komponèn pasif ana ing rerangkèn listrik kang bisa nyimpen ènèrgi (energy storage).[2] Bledhèg uga bisa kadadéan saka awan siji menyang awan sijiné (intercloud), yaiku siji kang duwé momotan négatif lan awan liyané kang duwé momotan positif.[2] Bledhèg kadadéan amarga ana béda potènsial antarané awan lan bumi utawa uga karo awan liyané.[2] Prosèsé amarga momotan ana ing awan kang obah kanthi teratur, lan ana ing pergerakane awan mau banjur berinteraksi karo awan liyané kang ndadèkaké momotan négatif banjur kumpul ana ing sisih, lan momotan positif kumpul ana ing sisih kang suwaliké.[2] Yèn béda potensial antarané awan lan bumi rada gedhé, mula banjur ana pambuwangan momotan négatif (èlèktron) saka méga menyang bumi utawa suwaliké kanggo kasetimbangan.[2] Ana ing prosès pambuangan momotan iki, méedhia kang dianggo èlèktron yaiku udara.[2]

Cathetan suku[besut | besut sumber]

  1. a b How cosmic rays trigger lightning strikes www.newscientist.com
  2. a b c d e f g "Video: Lightning protection for an Antenna www.airhive.net". Diarsip saka sing asli ing 2007-09-28. Dibukak ing 2011-07-15.