Bison Amérika

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bison Amérika

Bison Amérika (Bison bison) iku sawijining kéwan mamalia sajenis sapi saka kulawarga bison sing uga diarani minangka American buffalo utawa "kebo Amérika". Tembung buffalo ing kéné sajatiné salah, amerga kéwan iki naming kerabat adoh "kebo sajati" yaiku "kebo banyu" saka Asia Kidul-Wétan lan kebo Afrika. Bison tau manggoni daérah prairie (Great Plains) ing Amérika Sarékat lan Kanada nganti mayuta-yuta cacahé nganti tekan Meksiko. Nanging ing pungkasan abad kaping 19 mèh punah.

Dèskripsi[sunting | sunting sumber]

Sawijining Bison Amérika cedhak Fumarole (sumber panas) ing Taman Nasional Yellowstone.

Bison nduwé kulit wulu sing dhiwut-dhiwut lan ing musim adhem warnané coklat tuwa lan ing musim panas coklat enom. Bison dhuwuré bisa nganti 2 mèter lan dawané nganti tekan 3 mèter serta aboté 400 nganti 1.000 kg. Spésimèn sing gedhé dhéwé naté ditemokaké aboté nganti 2.500 kg. Endhas lan bauné iku padhet banget lan bison lanang utawa wadhon loro-loroné nduwé sungu cendhak, bèngkok sing dienggo padhu nalika kerah.

Bison iku kéwan herbivora sing mangani suket lan tandhuran Cyperaceae ing daérah prairi Amérika Lor. Bison mangan wayah ésuk lan wengi. Ing wayah awan kabèh padha lèrèn. Bison kawin ing sasi Agustus lan September; suwéné meteng yaiku 285 dina.

Sumber artikel punika saking kaca situs web: "http://jv.wikipedia.org/w/index.php?title=Bison_Amérika&oldid=815215"