Andjar Any

Andjar Any (1936-2008) iku jeneng sesinglon Andjar Mujiono, pangripta lelagon langgam Jawa. Lairé ing Panaraga, 3 Maret 1936 lan séda ing Rumah Sakit PKU Muhammdiyah Surakarta dina Kemis Kliwon (yèn diétung saka tanggalan Jawa dadine wis lumebu dina Jemuwah, dadi Jemuwah Legi)13 November 2008 amarga gerah stroke^[1]. Akèh lagu-lagu sing kondhang, ing antarané Yèn ing Tawang Ana Lintang lan Jangkrik Génggong. Rong lagu iki dinyanyèaké déning Waldjinah, penyanyi langgam Jawa sing kawentar amarga lagu-lagu iki.

Lagu-lagu sing diyasa Andjar Any kapétung éwon lagu. Ing antarané lagu-lagu iku ya iku:

Yèn ing Tawang Ana Lintang
Jangkrik Génggong
Jenang Gula
Nyidham Sari

Lagu Yèn ing Tawang Ana Lintang dianggep miwiti langgam Jawa gagrag anyar ing jamané.^[2]. Pisanané, sing nyanyi Sarbini, mbakyuné Waldjinah.

Saliyané ngarang lagu, Andjar Any uga nulis sawatara buku kabudayan Jawa lan pulitik. Priyayi iki uga nulis geguritan lan carita cekak.Andjar Any uga aktif ing donya pers kanthi mandégani koran Pos Kita ing Sala.

Cathetan sikil

↑ http://www.solopos.co.id/zindex_menu.asp?kodehalaman=h01&id=248461^{[pranala mati permanèn]} Sala Pos
↑ http://tjroeng.web.id/?p=17^{[pranala mati permanèn]} Buletin Tjroeng

[1] ttp://www.solopos.co.id/zindex_menu.asp?kodehalaman=h01&id=248461^{[pranala mati permanèn]} Sala Pos

[2] ttp://tjroeng.web.id/?p=17^{[pranala mati permanèn]} Buletin Tjroeng

[1]

[2]