Padma (paésan)
Padma iku tegesé kembang terate kang warnaé abang. Paésan umah padma iki diwujudnang garis pinggir kembang Padma[1]. Rupa seni paésan umah iki ya iku garis lengkung ning jero, toli ngelengkung metu[1]. Jenis paésan iki asalé sing rupa profil singgasana Buda sing rupaé kembang padma. Uga kanggo alas wangunan stupa Buda, akéhé kayak kembang padma[1][2]. Ning umah tradhisional Jawa, paésan Padma iki mung nganggo umpak saka umah[2]. Dadi warnaé ireng atawa polos. Cara gawéé ya iku ditatah ning watu, biasaé sing watu alam nganti ngebentuk umpak. Rupaé telung diménsi sing ukuran paling cilik (20x20x20cm) sampé paling gedé (75x75x75cm). Umpak kang motif rupaé Padma iki ditempatnang minangka alas saka, bisa saka guru, saka penanggap, atawa saka penitih. Umpak-umpak sing kaya mengkénén ampir kabéh ana ning umah wong ningrat lan umah wong biyasa. Padma ning candi Siwa lan Buda duwé makna suci. Ning wangunan pendapa, alas saka kabéh dialasi umpak kang sifaté suci. Dadi Padma iki ning wangunan iku tegesé suci lan kuat[1].
Rujukan[besut | besut sumber]
- ↑ a b c d Dakung, Sugiyarto, dkk (1982). Arsitektur Tradisional Daerah Istimewa Yogyakarta. Jakarta: Depdikbud. kc. 140–142.
- ↑ a b Iswanto, Danoe (Juni 2008). "APLIKASI RAGAM HIAS JAWA TRADISIONAL PADA RUMAH TINGGAL BARU" (PDF). ENCLOSURE: Jurnal Ilmiah Perancangan Kota dan Permukiman. Volume 7 No. 2: 92. Diarsip saka sing asli (PDF) ing 2019-10-24. Dibukak ing 2017-07-12.
{{cite journal}}:|volume=has extra text (pitulung)