Labirin

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Labirin inggih punika salah satunggaling dolanan ingkang dipunripta saking pandameling dalan kanthi sistem ingkang ruwet, ménggak-ménggok, saha gadhah dalan buntu ingkang kathah. Labirin saged dipunripta kanthi nggambar wonten dluwang. Kajawi wonten dluwang, labirin punika saged dipunripta saking tetuwuhan, limrahipun wujud taman labirin. Labirin punika saged dipundamel ageng, satemah saged dipunparingi témbok punapa déné lawang. Kala rumiyin labirin dipun-ginakaken kanggé ngurung Minotaur, satunggaling monster awujud manungsa asirah banthèng.